Iechyd a Diogelwch Cyffredinol

PERYGLON CYFFREDINOL YM MHRIFYSGOL ABERTAWE

Mae Iechyd a Diogelwch wedi'i reoli drwy gyfuniad o ganllawiau canolog a lleol. Mae'r Tîm Iechyd a Diogelwch wedi pennu trefniadau cyffredinol at ddiben rheoli iechyd a diogelwch sy'n cael eu rhoi ar waith yn lleol gan bob Coleg Academaidd neu Uned Gwasanaethau Proffesiynol. Mae Colegau ac Unedau Gwasanaeth Proffesiynol yn ategu trefniadau cyffredinol drwy ychwanegu eu trefniadau penodol eu hunain i sicrhau y caiff risgiau eu rheoli'n llawn.

Mae'r dudalen hon yn rhoi dolenni i ganllawiau iechyd a diogelwch ar beryglon penodol. Os nad ydych chi'n gallu dod o hyd i gyfeiriad at berygl iechyd a diogelwch penodol, cysylltwch â'r Tîm Iechyd a Diogelwch a byddwn yn eich helpu gorau y gallwn ni.

Pan nad oes trefniadau polisi penodol yn bodoli i bwnc, mae’r Brifysgol yn disgwyl i bawb gydymffurfio â safonau cenedlaethol a rhyngwladol cydnabyddedig. Mae dogfennau iechyd a diogelwch y Brifysgol ar gael i'ch helpu i wneud hyn. Fodd bynnag, os bydd angen rhagor o gyngor arnoch, cysylltwch â'r tîm.

Cliciwch ar y teitlau isod i ehangu'r wybodaeth:

Digwyddiadau niweidiol

Digwyddiadau niweidiol yw digwyddiadau neu amgylchiadau sy'n arwain at, neu sydd â'r potensial i arwain at, anafiadau, salwch neu niwed i'r amgylchedd. Er mwyn atal digwyddiadau niweidiol, mae'n bwysig ein bod ni'n ymchwilio iddynt ac yn eu hadolygu pan fyddant yn codi. Mae hefyd yn ofyniad cyfreithiol i ni adrodd am ddigwyddiadau niweidiol, eu cofnodi ac ymchwilio iddynt.

Rhoi Gwybod am Ddigwyddiad Niweidiol

Rhowch wybod amdano! yw ein system adrodd hwylus ar-lein ar gyfer digwyddiadau a damweiniau andwyol sy'n ymwneud â gwydnwch iechyd, diogelwch, amgylcheddol a busnes. Mae cofnodi digwyddiadau niweidiol yn ein galluogi ni i ddysgu o'r sefyllfa a gwneud newidiadau i atal digwyddiadau tebyg yn y dyfodol.

Mae cofnodi digwyddiadau niweidiol yn ein galluogi ni i ddysgu o'r sefyllfa a gwneud newidiadau i atal digwyddiadau tebyg yn y dyfodol. Yn dilyn unrhyw ymchwiliad, bydd nodi ffactorau risg y gellir eu rheoli yn y dyfodol a rhoi cynlluniau gweithredu ar waith yn cefnogi gweithrediadau diogel a chynaliadwy ar ein campysau.

Mae'r holl ffurflenni, canllawiau a threfniadau polisi sy'n ymwneud â rhoi gwybod am ddigwyddiadau niweidiol ar gael i roi mwy o wybodaeth i chi. Os oes angen cyngor pellach arnoch chi, cysylltwch â'r Tîm Iechyd a Diogelwch.

Gallwch roi gwybod am ddigwyddiad niweidiol drwy lenwi ein ffurflen ar-lein syml.

Cyfarpar Sgrîn Arddangos (DSE)

Mae Prifysgol Abertawe yn cydnabod bod defnyddio Cyfarpar Sgrîn Arddangos (DSE) yn aml ac am gyfnodau hir yn gallu arwain at ystod o symptomau iechyd. Mae DSE yn cyfeirio at gyfrifiaduron, gliniaduron neu ddyfeisiau llaw sy'n dangos gwybodaeth – er enghraifft, cyfrifiaduron bwrdd gwaith, gliniaduron, tiliau sgrîn cyffwrdd a dyfeisiau llaw megis iPads, llechi a ffonau symudol. Mae defnyddio DSE wedi dod yn rhan sylweddol o fywyd pob dydd i'r rhan fwyaf o bobl. Mae'n bwysig bod defnyddwyr yn ymwybodol o sut i ddefnyddio DSE yn gywir, gan gynnwys gosod ac addasu eu gorsaf weithio.

Mae Taflen Gwybodaeth DSE ar gael sy'n amlinellu'r wybodaeth allweddol sy'n ymwneud â gwaith DSE, gan ddarparu manylion am sut i osod ac addasu gorsafoedd gweithio. Yn ogystal mae posteri ar gael i'w lawrlwytho a'u harddangos. Rhaid rhoi gwybod am yr holl ddamweiniau sy'n ymwneud â DSE i’r Tîm Iechyd a Diogelwch gan ddefnyddio'r ffurflen adrodd am ddigwyddiadau niweidiol.

Dogfennau Ategol

Information Sheet - Homeworking and DSE (Welsh)

Display Screen Equipment Policy Arrangements

Sitting at a Computer - A4 Poster (Welsh)

Mobile Device - Poster (Welsh)

Systemau awyr heb yrwyr

Mae Systemau awyr heb yrwyr (UAS) yn dod yn fwyfwy poblogaidd fel arf addysg, ymchwil, arolygu a marchnata. Er eu bod yn hynod ddefnyddiol ac yn dechnoleg gadarnhaol, mae gan UASau y potensial i achosi niwed ddifrifol i bobl ac eiddo. Nod y Brifysgol yw sicrhau bod y defnydd o dronau'n gyfreithlon ac yn ddiogel. Gellir cyfeirio at UASau fel Systemau hedfan wedi'u peilota o bell (RPA/RPAS), Cerbydau hedfan heb yrwyr (UAVs), Dronau, Awyrennau bach heb yrwyr (SUAau), Awyrennau gwyliadwriaeth bach heb yrwyr (SUSAau), Cerbydau aml-rotor, hofrennydd pedair braich, etc. Waeth beth fo'r enw, mae'r swyddogaethau'n debyg ac felly maent yn destun polisi'r Brifysgol.

Dogfennau Ategol

Gwaith Maes

Fieldwork

Cymorth Cyntaf

Mae angen Swyddog Cymorth Cyntaf mewn gweithleoedd lle mae peryglon iechyd a diogelwch sylweddol. Cynhelir asesiad cymorth cyntaf gan eich Arweinydd/Ymgynghorydd Iechyd a Diogelwch wrth ymgysylltu â staff yn eich Coleg Academaidd neu'ch Uned Gwasanaethau Proffesiynol i nodi'r lefel briodol o gymorth cyntaf sy'n angenrheidiol.

Darperir Hyfforddiant Cymorth Cyntaf gan eich Tîm Iechyd a Diogelwch os yw wedi'i nodi fel gofynion ar gyfer eich rôl. Sicrhewch eich bod chi'n ymwybodol o bwy yw'r Swyddog Cymorth Cyntaf ar gyfer eich Coleg Academaidd/Uned Gwasanaeth Proffesiynol chi. Mae arwyddion ym mhob adeilad sy’n dangos manylion trefniadau cymorth cyntaf.

Os oes angen cymorth cyntaf arnoch chi, cysylltwch â swyddog cymorth cyntaf eich Coleg Academaidd/Uned Gwasanaeth Proffesiynol.

Yn achos pob argyfwng neu anaf difrifol, cysylltwch â'r Tîm Diogelwch i gael cymorth drwy ffonio 333 neu actifadu eich ap SafeZone. Am ragor o wybodaeth, gan gynnwys cyfrifiannell cymorth cyntaf, ewch i wefan yr Awdurdod Gweithredol Iechyd a Diogelwch.

Gwybodaeth Iechyd a Diogelwch

Mae Rheoliadau Gwybodaeth Iechyd a Diogelwch i Gyflogeion 1989 yn ei gwneud hi'n ofynnol i gyflogwyr naill ai dangos poster cyfreithiol a gymeradwywyd gan yr Awdurdod Gweithredol Iechyd a Diogelwch neu ddarparu taflen gyfatebol i bob un o'u gweithwyr:

Lawrlwytho'r daflen.

Teithio Rhyngwladol

Mae teithio rhyngwladol yn rhan reolaidd o waith ac astudio ym Mhrifysgol Abertawe felly mae'n bwysig bod yr holl aelodau staff a myfyrwyr sy'n gweithio ac yn teithio'n rhyngwladol yn ymwybodol o'r risgiau posibl ac yn dilyn y canllawiau a'r gweithdrefnau angenrheidiol i helpu i gadw eu hunain a'r rhai hynny a all fod yn teithio gyda nhw yn ddiogel. Gall teithio rhyngwladol fod yn unrhyw beth o fynd i gynhadledd, ymweld â phrifysgol ryngwladol i gynnal gwaith maes yn unman y tu allan i Brydain fawr.

Fel yn achos mathau eraill o deithio, mae teithio rhyngwladol yn cyflwyno ei risgiau ei hun, felly mae'n hanfodol eich bod yn cynllunio eich taith yn brydlon i sicrhau bod pob risg a rheolydd/trefniant wedi cael ei ystyried, gan gynnwys rhoi cynlluniau brys a chynlluniau ar gyfer unrhyw fath o darfu ar waith, er mwyn gallu cynnal y daith yn ddiogel.

Mae dwy ffurflen angenrheidiol ar gyfer cymeradwyo teithio rhyngwladol:

Ffurflen Asesiad Risg Teithio Rhyngwladol
Ffurflen Datganiad a Gwybodaeth Cyfranogwr (ar gyfer teithio mewn grŵp yn unig)

I bennu pa ffurflen asesu risg teithio rhyngwladol sydd ei hangen, rhaid i chi ystyried cyngor teithio Swyddfa Dramor, y Gymanwlad a Datblygu (FCDO), a lefelau risg Crisis24 Horizon:

Ffurflen	Disgrifiad
Gwyrdd	Teithio y tu allan i Brydain Fawr (gan gynnwys cyrchfannau a throsglwyddiadau) os: nad yw'r FCDO yn cynghori na ddylech deithio a HOLL lefelau risg Crisis24 Horizon islaw 3.0.
Ambr	Teithio y tu allan i Brydain Fawr (gan gynnwys cyrchfannau a throsglwyddiadau) os: nad yw'r FCDO yn cynghori na ddylech deithio a/neu fod HOLL lefelau risg Crisis24 Horizon uwchlaw 3.0 a bod POB UN islaw 3.5.
Coch	Teithio y tu allan i Brydain Fawr (gan gynnwys cyrchfannau a throsglwyddiadau) os: Mae'r FCDO yn cynghori dim ond teithio hanfodol/a bod yr holl deithio/neu UNRHYW lefelau risg Crisis24 Horizon uwchlaw 3.5.

Mae gan y Brifysgol yr hawl i wrthod unrhyw gynnig i deithio'n rhyngwladol ar sail iechyd a diogelwch, neu am resymau gweithredol neu academaidd eraill fel y bo'n briodol. Mae unrhyw fyfyriwr neu aelod o staff sy'n gadael y Brifysgol heb gymeradwyaeth o flaen llaw i deithio, gweithio neu astudio yn gwneud hynny heb awdurdod a heb yswiriant.

Mae hyfforddiant asesiad risg iechyd a diogelwch teithio rhyngwladol ar gael i'ch tywys drwy'r broses. Mae gwybodaeth am sut i gadw lle ar gwrs hyfforddiant ar gael ar y dudalen Hyfforddiant.

Mae mwy o wybodaeth am weithgareddau oddi ar y campws ac asesiad risg gwaith maes ar gael ar y dudalen Gwaith Maes.

Dogfennau Teithio Rhyngwladol:

Polisi Teithio Rhyngwladol Iechyd, Diogelwch a Gwydnwch

Asesiad Risg Teithio Rhyngwladol Canllawiau

Asesiad Risg Teithio Rhyngwladol- Ffurflen Werdd

Asesiad Risg Teithio Rhyngwladol – Ffurflen Oren

Ffurflen Asesiad Risg Teithio Rhyngwladol- Ffurflen Goch

Proses Cymeradwyo Teithio Rhyngwladol

Ffurflen Datganiad a Gwybodaeth Cyfranogwr

Datganiadau Iechyd:

I gael mwy o wybodaeth am ddatganiadau iechyd, e-bostiwch Iechyd Galwedigaethol.

Ffurflen Datganiad Iechyd

Arweiniad ar Ddatganiad Iechyd

Gweithio ar eich pen eich hun

Os oes unrhyw un yn gweithio ar ei ben ei hun, mae’n hanfodol bod gweithdrefnau ar waith i seinio’r larwm os bydd angen.

Os yw’r gweithgaredd yn cynnwys gweithgaredd a allai fod yn beryglus, ni ddylai gael ei wneud gan weithiwr ar ei ben ei hun. Rydyn ni’n gyfrifol am eich diogelwch chi tra eich bod chi'n gwneud gwaith i’r Brifysgol. Rhaid i chi roi gwybod i’ch rheolwr neu eich goruchwyliwr ymlaen llaw os ydych yn gweithio oddi ar y safle. Ymgyfarwyddwch eich hun â threfniadau diogelwch unrhyw drydydd parti yr ydych yn ymweld ag ef.

Os nad ydych chi’n credu bod diogelwch yn cael ei reoli, nodwch hynny ac os na fydd camau priodol yn cael eu cymryd, rhowch y gorau i’r ymweliad. Os byddwch yn gorfod gweithio tramor ar ran y Brifysgol, gwnewch yn siŵr bod asesiad risg priodol yn cael ei gwblhau ar gyfer teithio tramor cyn ichi adael a’i fod yn cael ei gymeradwyo gan eich rheolwr. Diben hwn yw asesu’r risgiau diogelwch ac iechyd, a darparu manylion eich trefniadau teithio a llety mewn gwledydd eraill.

Yn ogystal â hyn, rhaid i chi ddilyn y cyngor iechyd priodol trwy gael y brechiadau neu’r meddyginiaethau (e.e. tabledi malaria) a argymhellir. Rhaid i chi hefyd ofyn am y dogfennau yswiriant cyn i chi deithio. Darperir rhagor o wybodaeth yn y trefniadau gweithio ar eich pen eich hun ac asesiad risg enghreifftiol. Os oes gennych gwestiynau am weithio ar eich pen eich hun neu oddi ar y campws, cysylltwch â'r Tîm Iechyd a Diogelwch i gael cyngor.

Polisi

Lone Working Policy Arrangements

Dogfennau Ategol

Risk Assessment - Lone Working

Appendix One - Lone Working Checklist

Codi a Chario

Manual Handling Information Sheet

Manual Handling in Libraries - Information Sheet

Sŵn yn y gweithle

Mae sŵn yn rhan o fywyd bob dydd, ond gall sŵn uchel wneud niwed parhaol i’ch clyw. Pan fyddwch yn colli eich clyw, ni allwch ei gael yn ôl, waeth faint yw eich oed. Byddardod a achosir gan sŵn yw niwed anwrthdroadwy i’r clustiau a achosir gan wrando ar lefelau uchel o sŵn.

Rydych chi mewn perygl os gallwch ateb yn gadarnhaol i unrhyw un o’r cwestiynau hyn ynghylch y lefelau sŵn yn eich man gwaith:

A yw'r sŵn yn ymyrryd â’ch clyw – fel stryd brysur, sugnwr llwch neu fwyty prysur – am ran helaeth o’r diwrnod gwaith?
A oes rhaid i chi godi eich llais i gael sgwrs arferol pan fyddwch chi oddeutu 2m ar wahân am ran o’r diwrnod o leiaf?
A oes rhaid i chi ddefnyddio offer neu beiriannau trydanol swnllyd am fwy na hanner awr y diwrnod?
A oes synau oherwydd trawiadau (e.e. morthwylio, delw-ofannu, offer taro niwmatig ac ati), ffynonellau ffrwydrol megis offer sy’n defnyddio cetris neu daniwr, neu ynnau?
A oes clyw aneglur gennych ar ddiwedd y dydd, hyd yn oed os yw’n well erbyn bore drannoeth?

Rydym eisiau atal byddardod cyn iddo ddigwydd. Os gwnaethoch ateb yn gadarnhaol i unrhyw un o’r cwestiynau uchod, gallech fod mewn perygl. Siaradwch â’ch rheolwr sy’n gallu cysylltu â’r Cydgysylltydd Iechyd a Diogelwch neu’r adran Iechyd Galwedigaethol (staff yn unig) am gyngor.

Er mwyn canfod a oes perygl o ddod i gysylltiad â gormod o sŵn yn y gwaith, rhaid gwneud asesiad risg i bennu lefel y sŵn ac am ba hyd yr ydych yn dod i gysylltiad â’r sŵn. Rhaid cymryd camau wedi hyn i leihau a rheoli’r risg o ddod i gysylltiad â sŵn er mwyn diogelu staff a myfyrwyr. Diogelu’r clyw yw’r dewis olaf bob amser. Rhaid asesu ffynonellau’r sŵn er mwyn pennu a allant gael eu lleihau naill ai yn eu tarddle neu drwy leihau llwybr y sŵn. Mae rhagor o wybodaeth ar gael am leihau a rheoli’r risg o ddod i gysylltiad â sŵn.

Os oes gennych unrhyw gwestiynau neu os hoffech gael mwy o gyngor ar y lefel uchaf o sŵn y gallwch ddod i gysylltiad ag ef, cysylltwch â’r Tîm Iechyd a Diogelwch.

Dogfennau Ategol

Information Sheet - Otoxicity

Beichiogrwydd a Bwydo ar y Fron

Dyma ddogfennau pwysig am feichiogrwydd a bwydo ar y fron:

Pregnant Persons - New & Breastfeeding Parent Policy Arrangements

Pregnancy Risk Assessment Form

Pregnancy and COVID-19 Risk - Information Sheet

Asesiad risg

Mae asesu risg yn synhwyrol yn golygu canolbwyntio ymdrechion ar y risgiau sy'n codi'n amlach, a/neu’r pethau a allai achosi salwch, anaf neu niwed sylweddol. Mae rheoli risg synhwyrol yn ymwneud llai â llenwi llawer o waith papur a mwy â defnyddio’r wybodaeth a’r canllawiau sydd ar gael am bethau y mae angen iddynt fod ar waith i sicrhau bod iechyd a diogelwch pobl yn cael eu diogelu. Mae prosesau iechyd a diogelwch synhwyrol yn galluogi arloesedd a dysgu, nid ydynt yn eu mygu.

Yr ‘asesiad risg’ yw’r broses sy’n caniatáu i hyn ddigwydd. Rhaid i’r amser a gymerir i wneud hwn fod yn gymesur â’r risg. Mae gwybodaeth bellach ar gael i’ch cefnogi wrth gynnal yr asesiadau risg, gan gynnwys templedi asesu risg. Am ragor o gyngor wrth gwblhau'r asesiadau risg, cysylltwch â'r Tîm Iechyd a Diogelwch. Mae hyfforddiant hefyd ar gael i'ch cefnogi wrth gwblhau'r asesiadau risg.

Dogfennau ategol

Risk Assessment Template with Matrix

Risk Assessment Information Sheet

Dirgryniad yn y gwaith

Gallech fod yn wynebu’r perygl o niweidio nerfau, pibellau gwaed a chymalau’r llaw, yr arddwrn a’r fraich os ydych hi’n defnyddio offer llaw pŵeredig yn rheolaidd yn y gwaith. Mae modd osgoi Syndrom Dirgryniad Llaw Braich (HAVS), a achosir gan ddirgryniad yn y gwaith, ond pan fo’r niwed wedi’i wneud, mae’n para am byth. Mae’r perygl i iechyd yn dibynnu ar lefel dirgryniad yr offer ac am ba mor hir y caiff ei ddefnyddio.

Rydych chi mewn perygl os ydych chi’n defnyddio peiriannau ac offer llaw pŵeredig yn rheolaidd. Rydych hefyd mewn perygl os ydych chi’n dal offer llaw, sy’n dirgrynu wrth gael eu prosesu gan beiriannau pŵeredig megis peiriant hogi pedestal. Rydym ni’n dymuno atal niwed o ganlyniad i weithio gydag offer sy’n dirgrynu cyn iddo ddigwydd. Siaradwch â'ch rheolwr a fydd yn gallu cysylltu â'r Arweinydd/Ymgynghorydd Iechyd a Diogelwch neu Iechyd Galwedigaethol (staff yn unig) i gael cyngor os oes gennych bryderon.

Mae cyflyrau iechyd penodol a all eich gwneud chi’n fwy agored i ddatblygu symptomau. Er mwyn nodi a oes risg yn gysylltiedig â dirgryniad yn y gwaith, mae angen cynnal asesiad risg yn seiliedig ar lefel dirgryniad yr offer ac am ba mor hir y caiff ei ddefnyddio. Yna, mae’n rhaid llunio cynllun gweithredu i leihau a rheoli’r perygl cysylltiedig. Gallai hyn gynnwys goruchwyliaeth iechyd reolaidd gan yr adran iechyd galwedigaethol i wneud yn siŵr nad oes unrhyw symptomau yn datblygu.

Mae rhagor o wybodaeth am leihau a rheoli’r perygl o ddirgryniad ar gael. Os oes gennych unrhyw gwestiynau neu os hoffech gael cyngor ychwanegol ar derfynau cysylltiad â dirgryniad, cysylltwch â’r Tîm Iechyd a Diogelwch.