Meddygaeth (i Raddedigion)

Rydym yn falch iawn y byddwch yn ymuno â ni ym mis Medi ar ran nesaf eich taith. Mae gennych lawer i edrych ymlaen ato, ac rydym yn sicr y bydd ein rhaglen yn rhoi'r wybodaeth, y sgiliau a'r mewnwelediadau sydd eu hangen arnoch i ddod yn feddyg. Mae GEM yn ddwys, ac rydym yn siŵr y bydd y rhan fwyaf ohonoch yn edrych ymlaen at wyliau haeddiannol dros yr haf. Rydym hefyd yn ymwybodol y gallai nifer ohonoch fod am ddefnyddio’r amser cyn hynny i chi ddechrau paratoi ar gyfer Blwyddyn Un.

Mae Cymdeithas Feddygaeth Prifysgol Abertawe (MedSoc) wedi llunio cyflwyniad ardderchog i GEM, y byddwn yn argymell i chi ei ddarllen cyn cyrraedd ym mis Medi. Mae hyn yn cwmpasu ystod eang o bynciau ac yn cynnig mewnwelediadau gan eich cyfoedion, sydd wedi cael profiad o'r rhaglen. Bydd y rhain yn cael eu hanfon trwy e-bost cyn i'r cwrs ddechrau.

Nid oes yn rhaid i chi wneud unrhyw ddarllen rhagnodedig cyn dechrau'r rhaglen, ond bydd rhan sylweddol o'ch dysgu fel myfyriwr meddygol yn hunangyfeiriedig ac yn gofyn i chi chwilio am ffynonellau a deunydd dysgu i'ch helpu i roi popeth at ei gilydd. Gyda’r cyfoeth o adnoddau sydd ar gael ar-lein, nid oes angen i chi brynu llyfrau i baratoi ar gyfer GEM, yn enwedig gan y byddwch eisoes wedi nodi adnoddau wrth baratoi ar gyfer eich prawf GAMSAT.

Os ydych chi eisiau prynu llyfr i adolygu anatomeg a ffisioleg, mae'r ddau ganlynol yn darparu trosolwg hygyrch iawn, er nad ydynt yn fanwl iawn:

• The Human Body: An Introduction to Structure and Function by Adolf Faller and Michael Scheunke, published by Thieme, 2004. ISBN 978-3131292711
• The Complete Human Body: The Definitive Visual Guide by Alice Roberts, published by Dorling Kindersley, 2016. ISBN 978-0241240458

Os oes amser wedi bod ers i chi ddod i gysylltiad â Chemeg, Ffiseg a Bioleg ddiwethaf, mae’r rhestr uchod yn rhoi syniad i chi o’r lefel o wybodaeth gefndir sydd ei hangen ar gyfer rhai agweddau o’r cwrs. Ochr yn ochr â’r cwricwlwm ffurfiol, bydd gennych fynediad at gyfleoedd dysgu ychwanegol a ddarperir gan staff yr Ysgol Feddygaeth a’ch cyd-fyfyrwyr, wedi’u hanelu’n benodol at y myfyrwyr hynny sy’n teimlo bod angen cymorth ychwanegol arnynt yn y gwyddorau sylfaenol.

Edrychwn ymlaen at eich gweld ym mis Medi!

Tîm GEM

Bydd myfyrwyr meddygaeth i raddedigion yn cael ei ddysgu gan amrywiaeth o glinigwyr, ymchwilwyr a staff academaidd wedi’i leoli yn yr Ysgol Feddygaeth

Prif staff addysgu’r rhaglen Meddygaeth i Raddedigion yw:
Pennaeth Meddygaeth i raddedigion: Professor Kamila Hawthorne
Dirprwy pennaeth academaidd: Dr Suzanne Edwards
Dirprwy Pennaeth Clinigol: Dr Marguerite Hill
Cyfarwyddwr rhaglen: Mr Paul Jones

Arweinwyr derbyn
Arweinydd derbyn: Dr Arun Ramachandran

Arweinwyr blwyddyn
Arweinydd Blwyddyn 1: Mr Carl Rowe
Arweinydd Blwyddyn 2: Mr Tim Brown
Arweinydd Blwyddyn 3: Miss Rhiannon Harries
Arweinydd Blwyddyn 4: Dr Lisa Williams

Arweinydd cymorth ac arweiniad i fyfyrwyr: Dr Claire Vogan

Sgiliau Clinigol ac ICM
Arweinydd Blwyddyn 1 ICM: Mrs Sue Pugh
Arweinydd Blwyddyn 2 ICM: Dr Margaret Byrne
Arweinydd Blwyddyn 3 ICM: Dr Sue West-Jones
Arweinydd Blwyddyn 4 ICM: Dr Andy Haden

Uwch Mentor academaidd: Mrs Collette Hill

O fis Medi 2022 rydym wedi cyflwyno cynllun Mentora Cyfoedion newydd

Prif ddiben y Cynllun Mentora Cyfoedion hwn yw helpu myfyrwyr newydd i ymgartrefu ym Mhrifysgol Abertawe (os ydynt yn newydd i'r Brifysgol) a'r cwrs GEM, trwy alluogi myfyrwyr i gwrdd â mentor ar sail wirfoddol, hyblyg i fynd i'r afael â phryderon sylfaenol am fywyd y myfyriwr a dysgu o brofiadau myfyrwyr sydd eisoes wedi ei sefydlu ar y cwrs.

Bydd hefyd yn galluogi myfyrwyr yn hwyrach ar y cwrs GEM i dderbyn mentora os ydynt yn dymuno hynny gan fyfyrwyr sy'n dilyn y cwrs. Gyda hynny mewn golwg mae’n gwbl bosibl bod yn fentor a chael eich mentora h.y. gallai myfyriwr Blwyddyn 2 fod yn fentor i fyfyriwr Blwyddyn 1 ond hefyd yn cael ei fentora gan fyfyriwr Blwyddyn 3.

Mae’r cynllun mentora cyfoedion- i-gyfoedion hwn yn ychwanegol at y cynllun ‘rhianta’ presennol sy’n cael ei redeg gan y MedSoc, lle mae holl fyfyrwyr y Flwyddyn Gyntaf yn cael eu cyflwyno i bâr o fyfyrwyr ymhellach i mewn i’r rhaglen, sy’n eu cyflwyno i’r rhaglen.

Mae’r cynllun mentora cymar-i-gymar newydd yn gynllun Optio i Mewn – golyga hyn y bydd yn gwbl wirfoddol i fyfyrwyr fod yn fentor, yn cael eu mentora neu’r ddau.

A ydych chi am:-

• Teimlo'n fwy parod ar gyfer Bywyd Prifysgol

• Teimlo'n llai pryderus am wneud ffrindiau newydd

• Teimlo'n fwy addas i Fywyd Prifysgol

• Teimlo eich bod yn cael cefnogaeth dda

• Teimlo'n rhan o gymuned y coleg

Yna Cofrestrwch ar gyfer ein Cynllun Mentora Cyfoedion drwy e-bostio: studentexperience-medicinehealthlifescience@swansea.ac.uk

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid mentor academaidd yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd Personol hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.