Teithio a Thrafnidiaeth

Cerdded yw un o'r ffyrdd hawsaf a mwyaf fforddiadwy o deithio o amgylch Abertawe. Mae am ddim, yn gynaliadwy ac yn wych i'ch lles - a gall hyd yn oed taith gerdded fer am 10 munud y dydd roi hwb i'ch iechyd a chodi eich hwyliau.

Mae'r ddau gampws wedi'u cysylltu'n dda â'r ddinas a'r ardaloedd lleol, gan ei gwneud hi'n hawdd teithio ar droed - ac rydym yn gampws sy'n gyfeillgar i gerddwyr, gyda rhannau helaeth o'n campysau yn ardaloedd i gerddwyr yn unig ynghyd â mannau gwyrdd, ardaloedd coed a gerddi botaneg.    Rydym wedi cyflwyno ymylon palmantau is, mannau croesi diogel a mynediad hwylus i adeiladau ar gyfer cerddwyr.

Gwnewch i'ch teithiau gyfrif!

Cofrestrwch ar gyfer ap SWell, cofnodwch eich teithio llesol, casglwch bwyntiau ac ennill gwobrau. Beth am fod yn deithiwr actif heddiw - mae pob cam yn cyfrif!

Os yw dwy olwyn yn well gennych, mae Abertawe'n lle gwych i feicio.Mae Llwybr 4 y Rhwydwaith Beicio Cenedlaethol yn cysylltu Campysau Singleton a Champws y Bae (tua 6 milltir) ac mae'n cysylltu â rhwydwaith beicio ehangach Abertawe.  Mae gan Gyngor Abertawe wybodaeth a chyngor gwych o ran beicio gan gynnwys mapiau a llwybrau ar ei wefan.

Rydym yn eich cefnogi gyda'r canlynol:

• Mannau diogel i barcio'ch beic ar y campws, mae gennym wasanaeth diogelwch ac ymateb campws ddydd a nos.
• Marcio beiciau am ddim gyda Bike Register.
• Cloeon a goleuadau am ddim (casglwch nhw o dderbynfeydd y campws).
• Gweithdai trwsio Dr Bike a sesiynau cynnal a chadw beiciau.
• Teithiau beicio cymdeithasol a drefnwyd a grŵp defnyddwyr i fyfyrwyr sy'n beicio.
• Gostyngiad o 15% ar ddillad beicio yn Uprise yn Uplands, Abertawe.

Dim beic? Dim problem - ymunwch â Chynllun Beicio Prifysgol Abertawe am £10 yn unig y flwyddyn. Mae 30 munud cyntaf pob daith feicio am ddim gyda chyfraddau rhad wedi hynny.

*Sylwer nad yw Prifysgol Abertawe'n caniatáu'r defnydd o e-sgwteri ar unrhyw safle.Mae'n anghyfreithlon i reidio e-sgwteri mewn mannau cyhoeddus yng Nghymru gan gynnwys ar ffyrdd, llwybrau beicio neu balmentydd.I reidio e-sgwteri ar dir preifat, rhaid i chi gael caniatâd perchennog y tir.

Mae bysus rheolaidd gan First Bus yn cysylltu Campws Parc Singleton, Campws y Bae, canol y ddinas a llety myfyrwyr.

Mae gostyngiadau ar gael i Fyfyrwyr Prifysgol Abertawe

• 16–21? Cyflwynwch gais am FyNgherdynTeithio am ddim gyda'ch cyfeiriad yng Nghymru i gael tocynnau sengl o £1 a thocynnau diwrnod o £3.
• Mae'n gynt ac yn gyfleus i brynu'r tocynnau hyn ymlaen llaw drwy'r Ap First Bus, lle gallwch brynu tocynnau sengl mewn symiau o 10 - peidiwch ag anghofio bod yn rhaid i chi ddangos eich cerdyn FyNgherdynTeithio i'r gyrrwr.
• 22 oed neu'n hŷn? Defnyddiwch Tapio i Mewn ac Allan ar draws rhwydwaith UniBus am ffïoedd penodol (£2 am docyn sengl, £4 am docyn diwrnod).
• Os nad ydych chi'n gymwys am FyNgherdynTeithio, gallwch gyflwyno cais am gôd gostyngiad o 10% y gellir ei ddefnyddio pan fyddwch yn prynu tocynnau pris safonol FirstBus: 12 mis, Blwyddyn academaidd, Tymor 1, Tymor 2, Tymor 3, Haf. I gael eich côd, cwblhewch y ffurflen fer ar-lein. Unwaith byddwch wedi'i chwblhau, byddwch yn cael e-bost gyda'ch côd defnydd untro a chyfarwyddiadau. Gallwch weld cynigion Tocynnau FirstBus yma.

Gwasanaethau sy’n galw yng Nghanolfan Brif Orsaf Bysiau Dinas Abertawe

Ar gyfer Campws Singleton:

• 4, 3a, 92, X1 (First Bus)
• 116, 14 (Adventure Travel)

Ar gyfer Campws y Bae:

• Y tu mewn i’r campws - 89, 90, 92 (First Bus)
• Y tu allan i’r campws - X1, X5, X7, 38 (First Bus) a’r T6 (Adventure Travel)

Gorsaf Fysiau Abertawe i Gampws Parc Singleton - Dewch o hyd i'ch Safle Bysiau

Edrychwch ar y tabl isod i weld pa safle neu fae bysiau y tu mewn i'r brif fynedfa fysiau i'w ddefnyddio ar gyfer bysiau i Gampws Parc Singleton.

Safleoedd S - X ar gyfer Campws Parc Singleton yw'r rhai sydd agosaf at y Coop a Greggs

Gorsaf Fysiau Abertawe i Gampws y Bae - Dewch o hyd i'ch Safle Bysiau

Edrychwch ar y tabl isod i weld pa safle neu fae bysiau y tu mewn i'r brif fynedfa fysiau i'w ddefnyddio ar gyfer bysiau i Gampws y Bae.

Safleoedd E - O ar gyfer Campws y Bae yw'r rhai agosaf at Costa Coffee.

---------------------------------------

Cysylltiadau Gorsaf Reilffordd

• Ar gyfer Campws Singleton - y tu allan i’r Orsaf Reilffordd - rhifau 4 a 91.
• Ar gyfer Campws y Bae - y tu allan i’r Orsaf Reilffordd - 89, 91 neu’r 90 gyferbyn â’r orsaf.

---------------------------------------

Dewch o hyd i lwybrau bysiau, amserlenni a gwybodaeth docynnau ar wefan First Bus

Gwasanaethau Allweddol i Fyfyrwyr Prifysgol Abertawe

• Y gwasanaeth UniBus sy'n cysylltu Campws Singleton a Champws y Bae yw 89, 90, 91,92 - ac mae pob un yn aros ar y campws.
• Mae gwasanaethau 3a, 4, 4a, a X1 First Bus yn aros ar Gampws Parc Singleton.
• Mae gwasanaethau X1, X5, X7 a 38 yn aros y tu allan i Gampws y Bae.
• Rhif 92 a 91 yw'r bysiau Campws i Gampws, ac mae'r X1 hefyd yn aros ar Gampws Singleton ond y tu allan i Gampws y Bae.
• Mae'r bysiau hwyr y nos (N91 ac N92) ar waith drwy gydol yr wythnos, gyda gwasanaeth N92 ar waith tan 4am o ddydd Mercher i ddydd Sadwrn! 
• Cysylltiadau gwasanaeth X1 gwell ar gyfer Campws Parc Singleton, Campws y Bae, Canol Dinas Abertawe ac Ysbyty Castell-nedd Port Talbot.

-------------------------------------------------------------------- 

Gwasanaethau Amgen

Mae New Adventure Travel (NAT) a South Wales Transport (SWT) hefyd yn cynnal gwasanaethau yn yr ardal.

• Bysiau NAT ac SWT sy'n galw ar Gampws Singleton yw: 43, 116, 14.
• Bysiau NAT sy'n gollwng y tu allan i Gampws y Bae yw: Traws Cymru T6.
• Gallwch brynu tocynnau sengl ar y gwasanaethau hyn hefyd.
• Bydd y rhai sydd â FyNgherdynTeithio sy'n prynu tocyn dydd neu ddwyffordd yn gallu ei ddefnyddio ar yr holl wasanaethau bws lleol sy'n cymryd rhan.

Drwy gydol y flwyddyn, rydym yn cynnal gweithgareddau er mwyn teithio o amgylch Abertawe'n haws ac yn wyrddach:

• Sioeau Teithiol Beicio a digwyddiadau Cynnau.
• Sesiynau marcio beiciau.
• Gweithdai trwsio Dr Bike.
• Teithiau beiciau dan arweiniad (ar ddod yn fuan).
• Gwybodaeth deithio ar y campws.

Edrychwch fan hyn am ddigwyddiadau sydd ar ddod yn fuan neu e-bostiwch ni am fwy o wybodaeth.

Mae ein Swyddog Teithio Cynaliadwy'n gweithio gyda myfyrwyr a gwasanaethau teithio a chludiant lleol i wneud gwelliannau i wasanaethau.

Mae sawl ffordd y gallwch ddweud eich dweud:

• Arolwg Teithio Blynyddol i Fyfyrwyr - trefnir yr arolwg nesaf ar gyfer mis Hydref/Tachwedd 2025.
• Grwpiau Defnyddwyr Bws - 1pm tan 2pm - e-bostiwch ni i gadw lle.
• 23 Hydref
• 4 Rhagfyr
• 12 Chwefror
• 23 Ebrill
• Grwpiau Defnyddwyr Beic - 1pm tan 2pm - e-bostiwch ni i gadw lle.
• 28 Hydref
• 2 Rhagfyr
• 10 Chwefror
• 21 Ebrill
• Sioeau Teithiol Beicio a Gwybodaeth am Deithio ar y campws

E-bost: travel@abertawe.ac.uk

Yn seiliedig ar eich adborth blaenorol:

• Mwy o wasanaethau amlach gyda'r hwyr i Gampws y Bae (6pm i 7pm).
• Bysiau hwyr y nos N91 ac N92.
• Gwasanaeth X1 newydd sbon sy'n cysylltu'r campysau a'r ysbytai.
• Cloeon a goleuadau am ddim i fyfyrwyr sy'n beicio.

Edrychwch ar ein hawgrymiadau teithio diogel isod:

• Arhoswch mewn ardaloedd wedi'u goleuo'n dda (a chyda myfyrwyr eraill os yn bosib).
• Byddwch yn effro a rhowch bethau gwerthfawr o'r neilltu.
• Os yw bws nos yn wag neu'n dawel, eisteddwch yn agos neu y tu ôl i'r gyrrwr.
• Rhowch wybod i yrrwr y bws os ydych yn pryderu am ymddygiad teithiwr arall.
• Os ydych chi'n mynd allan gyda'r nos gyda'ch ffrindiau, cadwch rifau ffôn eich gilydd a gwiriwch fod pawb yn iawn os ydych yn colli eich gilydd:  'Ewch allan gyda'ch gilydd, arhoswch gyda'ch gilydd, ewch adref gyda'ch gilydd'.
• Gwnewch yn siŵr eich bod wedi lawrlwytho'r ap SafeZone i'ch ffôn i'w ddefnyddio mewn argyfwng, megis ar fws neu wrth feicio neu gerdded.

A oes gwasanaethau rhwng y campysau?

Oes mae'r rhifau 91 a 92 gan First Bus yn wasanaethau campws i gampws, ac mae'r X1 hefyd yn aros ar Gampws Singleton a'r tu allan i'r Bae.

Pa fws y dylwn i fynd arno o'r orsaf drenau?

• I Gampws Singleton: llwybrau 4 neu 91 (yn syth o'r orsaf).
• I Gampws y Bae: 89, 90 neu 91 (y tu allan i'r orsaf).

Beth yw'r ffordd rataf i deithio ar y bws?

• Rhwng 16 a 21 oed: cyflwynwch gais am FyNgherdynTeithio – pris tocyn sengl o £1.
• Dros 21 oed: defnyddiwch y tocynnau Tapio i Mewn ac Allan (£2 tocyn sengl / £4 y dydd) neu prynwch docyn tymor/blynyddol drwy'r Ap First Bus.

Beth os ydw i'n colli FyNgherdynTeithio?

• Bydd yn rhaid i chi dalu'r gost lawn nes i chi gael un newydd. Ffoniwch TFW ar 0300 200 22 33 i gael cerdyn newydd.

Beth yw'r gwerth gorau am arian ar gyfer teithio ar y trên?

• Cyflwynwch gais am Gerdyn Trenau 16–25 oed (£35) neu Gerdyn Trenau Myfyrwyr TFW sy'n £25 (yn ddilys yng Nghymru).

A allaf logi beic?

• Gallwch! Aelodaeth Beiciau Prifysgol Abertawe yw £10 y flwyddyn.

Sut rydw i'n cofrestru fy meic?

• Ewch i sesiwn marcio beiciau am ddim, neu e-bostiwch ni.

Os ydych chi'n teithio yn y car, mae gwybodaeth am barcio ar y campws, hawlenni a pholisïau ar gael ar brif dudalennau gwe'r brifysgol.