Camddefnyddio Delweddau Preifat

Mae camddefnyddio delweddau preifat yn cynnwys y gweithredoedd troseddol o rannu delweddau rhywiol preifat heb gydsyniad.

Mae'n drosedd i ddatgelu, neu fygwth datgelu, delwedd rywiol breifat heb gysyniad gyda'r bwriad o achosi gofid. Mae voyeuriaeth (recordio delwedd rywiol heb roi gwybod at ddibenion boddhad rhywiol) yn drosedd rhywiol.

Gall unrhyw un gyflawni'r drosedd hon, weithiau mae'n bartner gynt dig, ond NID ym mhob achos. Nid oes rhaid i chi fod mewn perthynas â'r sawl sy'n cyflawni'r drosedd er mwyn iddi gael ei hystyried yn gamddefnyddio delweddau preifat.

Gall unrhyw un ddioddef o gamddefnyddio delweddau preifat, ni waeth beth yw eich rhywedd, eich rhywioldeb, p'un a ydych yn 18 neu'n 80.

Mewn rhai achosion, mae'r cynnwys yn cael ei rannu er mwyn dial ar rywun drwy godi cywilydd arno/arni neu achosi gofid ar ôl i berthynas ddod i ben, ond nid yw bob amser er mwyn dial.

Fel y gwyddom, mae'r rhyngrwyd yn lle anferth sy'n cynnwys platfformau ar gyfer rhannu cynnwys. Rydym yn gweld y rhan fwyaf o'r cynnwys yn cael ei rannu ar blatfformau'r cyfryngau cymdeithasol neu wefannau pornograffi cyffredinol.