Rhaglen bwyd am ddim

Mae Prifysgol Abertawe yn falch o gynnig menter wythnosol sydd wedi'i hanelu at leihau gwastraff bwyd wrth gefnogi ein cymuned o fyfyrwyr. Mae archfarchnadoedd lleol yn rhoi eitemau bwyd ffres sydd ar fin cyrraedd eu dyddiad gorau cyn gwerthu, gan sicrhau bod y cynhyrchion hyn yn cael eu defnyddio'n dda yn hytrach na mynd yn wastraff.

Dewch i ymweld â'r Ganolfan Aml-ffydd ar Gampws Singleton ar ddechrau pob wythnos i gasglu unrhyw eitemau y gallech eu hangen; o bastai i ffrwythau a llysiau, mae digon ar gael. Nid oes angen cofrestru, dewch draw o 9:30yb ddydd Llun a helpwch eich hun i'r bwyd sydd ar gael. Mae'r fenter hon yn agored i bob myfyriwr ac mae'n annog cynaliadwyedd, cefnogaeth i'r gymuned, a llai o wastraff ar draws y campws.

Caiff y bwyd dros ben ei osod allan bob bore Llun ar y prif fwrdd yn ardal lolfa'r Ganolfan Aml-ffydd. I gael mynediad, ewch tuag at adeilad Penmaen a gwasgwch y botwm i agor y prif ddrws.

Mae oergell gymunedol newydd hefyd wedi'i ychwanegu at y Ganolfan Aml-ffydd ar Gampws Singleton! Yma, fe welwch chi fwyd dros ben sydd ar ôl o'r diwrnod, yn amrywio o bastïau a rholiau selsig a mwy! Mae'r oergell hon yn cael ei ail-stocio'n ddyddiol, felly cofiwch alw heibio i weld beth sydd ar gael - efallai y dewch o hyd i ddanteithion blasus i'w mwynhau gyda'ch cinio! Mae'r oergell i'w weld ar y chwith wrth i chi ddod i mewn drwy'r brif ddrws.

Peidiwch ag anghofio bod gan y Ganolfan Aml-ffydd gegin y gallwch ei defnyddio hefyd - gyda meicrodon, tegell, a chyfleusterau digonol ar gyfer gwneud te/coffi! Mae yna fwrdd mawr a sawl soffa ar gyfer eistedd, sy'n gwneud hwn yn lle perffaith i ddod am seibiant cyflym neu i gael eich cinio.

Dewch o hyd i'ch ffordd i'r Ganolfan Aml-ffydd gan ddefnyddio'r map isod