Help gyda Chaledi

Mae'r Taliad Cymorth Llety yn cynnig hyd at £750 fesul blwyddyn academaidd i gefnogi myfyrwyr gyda chostau llety. Mae nifer cyfyngedig o ddyfarniadau ar gael ar gyfer blwyddyn academaidd 2025/26, a byddan nhw'n cael eu dyrannu ar sail y cyntaf i'r felin.

Meini Prawf Cymhwysedd

I gyflwyno cais, rhaid i chi fodloni'r holl feini prawf canlynol:

• Bod yn fyfyriwr newydd neu'n fyfyriwr cofrestredig parhaus yn y flwyddyn academaidd bresennol
• Byw yn llety Prifysgol Abertawe (gweler y neuaddau preswyl cymwys isod)
• Ddim yn talu rhent i unrhyw le arall
• Bod yn fyfyriwr ar gwrs amser llawn neu ran-amser ac yn derbyn yr holl gyllid sydd ar gael i fyfyrwyr
• Bod yn wynebu caledi ariannol ac yn barod i ymgymryd ag asesiad ariannol, gan ddarparu tystiolaeth ategol

Llety Cymwys

• Campws y Bae
• Y Coleg (ar Gampws y Bae)
• Campws Parc Singleton
• Tŷ Beck
• Seren*
• True*

*I fod yn gymwys ar gyfer llety Seren neu True, rhaid i'ch tenantiaeth gael ei threfnu drwy dîm Llety Prifysgol Abertawe
Nid yw cytundebau 'gosod uniongyrchol' gyda'r darparwyr hyn yn gymwys i dderbyn y taliad hwn.

Tystiolaeth Angenrheidiol

I gefnogi eich cais, rhaid i chi lanwytho'r dogfennau canlynol:

• Eich llythyr hawlogaeth cyllid myfyrwyr sy'n dangos eich bod chi'n derbyn cyllid llawn
• Eich Cytundeb Tenantiaeth gan Lety Prifysgol Abertawe*
• Mis o gyfriflenni banc ar gyfer eich holl gyfrifon banc, cymdeithas adeiladu, cynilion, ISA
• Unrhyw dystiolaeth arall y gofynnir amdani gan y Tîm Cyngor Ariannol ar gyfer asesiad ariannol

Sylwch nad yw’r dyfarniad hwn ar agor ar hyn o bryd. Rydym yn eich annog i wirio’r dudalen we hon yn rheolaidd drwy gydol y flwyddyn academaidd, gan y bydd dolen gais ar gael unwaith y byddwn yn dechrau derbyn ceisiadau ar gyfer y dyfarniad hwn.

Mae Amodau a Thelerau'n berthnasol ac maen nhw ar gael ar gais.

Nod y Taliad Cymorth Perthyn yw helpu myfyrwyr gyda chostau gweithgareddau allgyrsiol sy'n cyfrannu at eu hiechyd a'u lles cyffredinol. Gall hyn gynnwys cymorth ar gyfer ffïoedd clybiau neu gymdeithasau, aelodaeth campfeydd, ac offer neu gyfarpar hanfodol.*

Mae pob dyfarniad gwerth £150, nid yw'n dibynnu ar brawf modd, ac mae'n amodol ar argaeledd. Gall myfyrwyr dderbyn un taliad fesul blwyddyn academaidd. Os ydych chi'n cyflwyno cais yn ystod blynyddoedd dilynol, efallai y bydd gofyn i chi ddarparu manylion am sut y gwnaethoch chi ddefnyddio'r dyfarniad blaenorol.

Rhoddir blaenoriaeth i fyfyrwyr sy'n wynebu caledi ariannol.

Sylwch nad yw’r dyfarniad hwn ar agor ar hyn o bryd. Rydym yn eich annog i wirio’r dudalen we hon yn rheolaidd drwy gydol y flwyddyn academaidd, gan y bydd dolen gais ar gael unwaith y byddwn yn dechrau derbyn ceisiadau ar gyfer y dyfarniad hwn.

Mae Amodau a Thelerau'n berthnasol ac maen nhw ar gael ar gais.

Mae'r tîm Cyngor Ariannol yn falch o gynnig dyfarniad nad oes angen ei ad-dalu i fyfyrwyr israddedig cymwys i helpu gyda chostau gofal plant. Nod y cyllid hwn yw ategu'r cymorth gofal plant a geir gan eich darparwr cyllid myfyrwyr.

Cyfanswm Dyfarniadau

• Myfyrwyr amser llawn: Hyd at £1,000
• Myfyrwyr rhan-amser: Hyd at £500
  (Un cais fesul blwyddyn academaidd)

Meini Prawf Cymhwysedd
I gyflwyno cais, rhaid i chi:

• Fod yn fyfyriwr israddedig cofrestredig presennol
• Bod yn derbyn Grant Gofal Plant gan y Cwmni Benthyciadau i Fyfyrwyr neu Fwrsariaeth y GIG

Tystiolaeth Angenrheidiol

Bydd angen i chi lanlwytho'r dogfennau canlynol i'r ffurflen gais ar-lein:

1. Eich hysbysiad dyfarniad swyddogol gan y Cwmni Benthyciadau i Fyfyrwyr neu Fwrsariaeth y GIG sy'n dangos swm eich Grant Gofal Plant
2. Anfonebau neu dderbynebau gan eich darparwr gofal plant, wedi'u dyddio yn y mis diwethaf

Ni chaiff ceisiadau eu prosesu heb y dystiolaeth hon.

Cyfanswm Dyfarniadau

Myfyrwyr amser llawn:

• 1 plentyn mewn gofal plant: £600
• 2 blentyn mewn gofal plant: £800
• 3 neu fwy o blant mewn gofal plant: £1,000

Myfyrwyr rhan-amser:

• 1 plentyn mewn gofal plant: £300
• 2 blentyn mewn gofal plant: £400
• 3 neu fwy o blant mewn gofal plant: £500

Sut i Gyflwyno Cais

Gallwch gyflwyno cais ar-lein drwy system Cronfa Galedi Prifysgol Abertawe:

Dolen gais

• Ychwanegu cofnod newydd
• Ticiwch yr opsiwn 'Cymorth Gofal Plant' ar dudalen gyntaf y cais

Mae Amodau a Thelerau'n berthnasol ac maen nhw ar gael ar gais.

Mae'r tîm Cyngor Ariannol yn cynnig dyfarniad nad oes angen ei ad-dalu i gefnogi myfyrwyr ôl-raddedig cymwys gyda chostau gofal plant.

Meini Prawf Cymhwysedd

I fod yn gymwys ar gyfer y Taliad Cymorth Gofal Plant i Fyfyrwyr Ôl-raddedig, rhaid i chi:

• Fod yn derbyn eich holl fenthyciad ôl-raddedig gan eich darparwr cyllid.
  (Nid yw myfyrwyr sydd wedi dewis derbyn rhan o'r benthyciad yn unig yn gymwys)
• Bod â phlant rhwng 0 a 5 oed sydd mewn gofal plant cofrestredig ar hyn o bryd.
• Darparu derbynebau neu anfonebau gan eich darparwr gofal plant, wedi'u dyddio yn y mis diwethaf

Sylwer: Ni chaiff ceisiadau eu prosesu os na fydd yr holl dystiolaeth ofynnol wedi cael ei lanlwytho i'r ffurflen gais ar-lein.

Cyfanswm Dyfarniadau

Gall myfyrwyr ôl-raddedig cymwys dderbyn y canlynol:

• 1 plentyn mewn gofal plant: £750
• 2 blentyn mewn gofal plant: £950
• 3 neu fwy o blant mewn gofal plant: £1,150

Sut i Gyflwyno Cais

Gallwch gyflwyno cais ar-lein drwy system Cronfa Galedi Prifysgol Abertawe:

Dolen gais

• Ychwanegu cofnod newydd
• Ticiwch yr opsiwn 'Cymorth Gofal Plant' ar dudalen gyntaf y cais

Mae Amodau a Thelerau'n berthnasol ac maen nhw ar gael ar gais.

Mae'r Taliad Cymorth Mamolaeth yn ddyfarniad untro gwerth £600 i gefnogi myfyrwyr sy'n feichiog. Rhaid i chi gyflwyno eich cais o leiaf 10 wythnos cyn dyddiad geni'r babi, a darparu ffurflen MATB1 ynghyd â'ch llythyr Cyllid Myfyrwyr ar gyfer y flwyddyn academaidd bresennol.

Sylwer: Mae'r dyfarniad hwn dim ond ar gael i fyfyrwyr Cartref.

Sut i Gyflwyno Cais
I wneud cais am ffurflen gais, e-bostiwch: hardshipfunds@abertawe.ac.uk

Mae Amodau a Thelerau a chwestiynau cyffredin am y Taliad Cymorth Mamolaeth ar gael ar gais.

Mae'r tîm Cyngor Ariannol yn falch o gynnig dyfarniad nad oes angen ei ad-dalu i gefnogi myfyrwyr ôl-raddedig cymwys gyda chostau sy'n ymwneud â’u cyrsiau.

Mae taliad o £300 ar gael i fyfyrwyr Cartref Ôl-raddedig (cyrsiau a addysgir neu Ymchwil).
Mae meini prawf cymhwysedd yn berthnasol.

Meini Prawf Cymhwysedd

I fod yn gymwys ar gyfer y Taliad Cymorth Ôl-raddedig, rhaid i chi:

• Fod yn fyfyriwr cartref ôl-raddedig ar hyn o bryd (cyrsiau a addysgir neu ymchwil)
• Bod â mwy na 5 wythnos ar ôl o'ch cwrs ar adeg cyflwyno cais

Sylwch nad yw’r dyfarniad hwn ar agor ar hyn o bryd. Rydym yn eich annog i wirio’r dudalen we hon yn rheolaidd drwy gydol y flwyddyn academaidd, gan y bydd dolen gais ar gael unwaith y byddwn yn dechrau derbyn ceisiadau ar gyfer y dyfarniad hwn.

Mae Amodau a Thelerau'n berthnasol ac maen nhw ar gael ar gais.

Taliad Cymorth Teithio

Er mwyn cynorthwyo gyda chostau teithio, mae'r tîm Cyngor Ariannol yn cynnig Taliad Cymorth Teithio i fyfyrwyr newydd a myfyrwyr sy'n parhau sy'n cael eu hasesu fel myfyrwyr sy'n wynebu caledi ariannol drwy ein proses cyflwyno cais.

Gellir defnyddio'r cymorth ariannol tuag at un o'r canlynol:

• Tocyn bws blynyddol neu dymhorol
• Costau petrol (yn amodol ar feini prawf cymhwysedd)

Sylwer: Nifer cyfyngedig o Daliadau Cymorth Anabledd sydd ar gael ar gyfer blwyddyn academaidd 2025/26, a byddant yn cael eu dyfarnu ar sail y cyntaf i'r felin.

Meini Prawf Cymhwysedd

I gyflwyno cais, rhaid i chi:

• Fod yn fyfyriwr Cartref newydd neu'n fyfyriwr Cartref sy'n parhau ac wedi cofrestru ar gyfer y flwyddyn academaidd bresennol
• Heb dderbyn costau teithio drwy gais blaenorol i'r Gronfa Galedi
• Bod yn fyfyriwr ar gwrs amser llawn neu ran-amser ac yn derbyn yr holl gyllid sydd ar gael i fyfyrwyr
• Bod yn wynebu caledi ariannol ac yn barod i ymgymryd ag asesiad ariannol gyda thystiolaeth ategol
• Os ydych chi'n cyflwyno cais am gymorth gyda chostau petrol, rhaid eich bod chi:
• Wedi cofrestru ar gwrs sy'n gofyn i chi deithio mewn car (e.e. lleoliadau gwaith nyrsio), neu
• Yn gorfod defnyddio car oherwydd anabledd neu ddyletswyddau gofalu, fel y cadarnhawyd gan y tîm Cyfranogiad.

Tystiolaeth Ofynnol

Bydd angen i chi ddarparu:

• Eich Llythyr hawlogaeth Cyllid Myfyrwyr sy'n cadarnhau eich bod yn derbyn cyllid llawn
• Mis o gyfriflenni banc ar gyfer eich holl gyfrifon banc, cymdeithas adeiladu, cynilion, ISA
• Unrhyw ddogfennau ychwanegol y gofynnir amdanynt er mwyn cwblhau eich asesiad ariannol

Sylwch nad yw’r dyfarniad hwn ar agor ar hyn o bryd. Rydym yn eich annog i wirio’r dudalen we hon yn rheolaidd drwy gydol y flwyddyn academaidd, gan y bydd dolen gais ar gael unwaith y byddwn yn dechrau derbyn ceisiadau ar gyfer y dyfarniad hwn.

Mae Amodau a Thelerau'n berthnasol ac maen nhw ar gael ar gais.

Pryd caiff penderfyniad ei wneud ynghylch fy nghais?

Gall gymryd hyd at 15 niwrnod gwaith o ddyddiad cyflwyno'r cais i wneud asesiad cychwynnol. Os bydd angen mwy o wybodaeth, bydd penderfyniad terfynol ar eich cais yn cymryd mwy o amser. Yn ystod cyfnodau mwy prysur, efallai bydd y cyfnod asesu yn hwy. Gall ail geisiadau i'r gronfa gymryd hyd at 20 niwrnod gwaith er mwyn i ni roi blaenoriaeth i'r rhai hynny sy'n cyflwyno cais am y tro cyntaf, os oes angen.

Sut ydw i'n gwybod os ydw i wedi darparu digon o wybodaeth/dystiolaeth?

Os nad yw'r wybodaeth ofynnol er mwyn cwblhau asesiad wedi'i chynnwys yn eich cais, byddwch chi'n derbyn e-bost awtomataidd yn gofyn am ragor o wybodaeth o fewn 15 niwrnod gwaith o ddyddiad cyflwyno'r cais. Bydd gennych chi 5 niwrnod gwaith i lanlwytho'r dystiolaeth y gofynnir amdani ac ailgyflwyno'r cais. Ni chaiff penderfyniad terfynol ei wneud nes y bydd yr holl dystiolaeth ofynnol wedi cael ei darparu. Os nad ydych chi'n darparu'r wybodaeth ofynnol mewn 5 niwrnod gwaith, gall eich cais gael ei ganslo.

A allaf gyflwyno cais am galedi i helpu tuag at gostau atgyweirio offer megis gliniadur?

Gallwch. Bydd dal angen i chi ddangos tystiolaeth eich bod chi'n wynebu caledi ariannol ac efallai na fyddwch chi'n derbyn cost gyfan yr atgyweirio. Os oes angen cymorth arnoch ar unwaith, mae cynllun benthyg gliniaduron yn y llyfrgell.

A allaf gyflwyno cais os ydw i yn fy mlwyddyn olaf?

Rhaid i geisiadau gael eu cyflwyno o leiaf 5 wythnos cyn dyddiad gorffen eich cwrs. Caiff yr holl geisiadau eu hasesu yng nghyd-destun yr ymgeisydd sy'n nesáu at ddyddiad gorffen ei gwrs. Os yw eich dyddiad gorffen wedi cael ei estyn, rhaid i chi ddarparu tystiolaeth o hyn er mwyn i ni barhau i asesu eich cais.

Sylwer, NID yw dyfarniadau o'r Gronfa Galedi yn warantedig.

Mae ein ffurflenni hefyd ar gael yn Gymraeg

Mae'r Tîm Cyngor Ariannol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn croesawu ceisiadau gan bobl sydd â’r nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhywedd, tueddfryd rhywiol.

Mae'r Dyfarniad Cyfoethogi Academaidd wedi cael ei ddylunio i gefnogi myfyrwyr o gefndiroedd ceisio noddfa i wella eu taith academaidd a'u lles cyffredinol. Mae'r dyfarniad hwn yn cynnig hyd at £250 a gellir ei ddefnyddio i ariannu amrywiaeth eang o weithgareddau cyfoethogi sy'n cyfrannu at brofiad prifysgol cyflawn.

Gellir defnyddio'r cyllid ar gyfer adnoddau academaidd hanfodol, ffïoedd cynadleddau, aelodaethau proffesiynol a chyrsiau sy'n seiliedig ar sgiliau sy'n cefnogi datblygiad academaidd a gyrfaol. Gall y dyfarniad hefyd gefnogi gweithgareddau sy'n ymwneud â lles megis ymuno â chymdeithasau myfyrwyr, cymryd rhan mewn gweithgareddau chwaraeon, mynychu digwyddiadau diwylliannol neu gymryd rhan mewn gweithgareddau creadigol neu gelfyddydol.

Cyfanswm y dyfarniad: Hyd at £250
Sylwer: Dim ond un taliad a ganiateir i bob myfyriwr fesul blwyddyn academaidd.

Meini Prawf Cymhwysedd

I gyflwyno cais am y Dyfarniad Cyfoethogi Academaidd, rhaid i chi:

• Fod yn fyfyriwr cofrestredig yn y Brifysgol
• Darparu tystiolaeth o un o'r statws mewnfudo canlynol:
• Ceisiwr lloches
• Ffoadur
• Caniatâd cyfyngedig neu ganiatâd yn ôl disgresiwn i aros (o ganlyniad i gais am loches)*
• Diogelwch Dyngarol*

*Rhaid i'r statws fod yn ganlyniad i gais am loches.

E-bostiwch ni yn hardshipfunds@abertawe.ac.uk am fwy o wybodaeth.

Mae Amodau a Thelerau'n berthnasol ac maen nhw ar gael ar gais.