Llongyfarchiadau i chi ar sicrhau lle i astudio Mhrifysgol Abertawe
Croeso i Abertawe!!
Llongyfarchiadau ar ennill lle ar gyfer y radd Meistr mewn Astudiaethau Cydymaith Meddygol (MPAS) ym Mhrifysgol Abertawe. Rydym yn edrych ymlaen yn fawr at dy groesawu di i Ysgol Feddygaeth Prifysgol Abertawe ym mis Medi
Byddi di’n cael dy addysgu gan glinigwyr ac addysgwyr profiadol o'r Gyfadran Meddygaeth, Iechyd a Gwyddor Bywyd, sy'n cynnwys Ysgol Feddygaeth Prifysgol Abertawe, a Byrddau Iechyd lleol. Mae'r rhain yn cynnwys gweithwyr gofal iechyd proffesiynol ar draws y tîm aml-ddisgyblaethol.
Rwy'n siŵr dy fod wedi ystyried yn ofalus am gyfnod hir cyn i ti benderfynu bod yn Gydymaith Meddygol a'th fod wedi ystyried y cyfrifoldebau a'r breintiau sydd ynghlwm wrth bod yn weithiwr gofal iechyd proffesiynol, ynghyd â'r heriau a'r cyfleoedd y byddi di’n eu profi fel myfyriwr a Chydymaith Meddygol cymwysedig mewn proffesiwn ifanc.
Efallai dy fod hefyd wedi ystyried yr hyn a ddisgwylir gennyt a sut dylet ti ymddwyn. Cyhoeddwyd llawer o ddogfennau sy'n cynghori ar y safonau a ddisgwylir gan Gymdeithion Meddygol fel myfyrwyr ac fel clinigwyr cymwysedig.
- Côd Ymddygiad ar gyfer Cymdeithion Meddygol – Cyfadran Cymdeithion Meddygol (FPA)
- Arfer meddygol da - Y Cyngor Meddygol Cyffredinol, 2024 (GMC)
- Cyflawni ymarfer meddygol da: canllaw interim ar gyfer myfyrwyr cydymaith meddygol a myfyrwyr cydymaith anesthesia –, (y Cyngor Meddygol Cyffredinol, 2022)
- Ymddygiad proffesiynol ac addasrwydd i ymarfer: canllaw interim ar gyfer darparwyr cyrsiau cymdeithion meddygol a'u myfyrwyr (gmc-uk.org) (y Cyngor Meddygol Cyffredinol, 2022)
Disgwylir y safonau uchaf o ymddygiad proffesiynol ar bob adeg.
Nod y safonau hyn yw diogelu cleifion, cynnal ymddiriedaeth y cyhoedd yn y proffesiwn a phrosesau ar gyfer rheoli pryderon ynghylch proffesiynoldeb ac addasrwydd i ymarfer. Dylet ti fod yn ymwybodol bod y safonau ymddygiad hyn yn berthnasol ar bob adeg, hyd yn oed y tu allan i'th astudiaethau. Disgwylir i ti gymryd amser i ddarllen ac ymgyfarwyddo â'r dogfennau hyn a myfyrio ar sut y byddant yn berthnasol i ti o hyn allan.
Ym Mhrifysgol Abertawe, rydym yn ymfalchïo yn ein safonau uchel a'r ffaith ein bod yn gymuned dysgu teg, cyfeillgar a chefnogol. Rydym yn gobeithio y bydd dy daith addysgol gyda ni yn un heriol, bleserus a gwobrwyol. Edrychwn ymlaen at dy groesawu.
Yr Athro Jeannie Watkins, PA-R, MSc, SFHEA
Cyfarwyddwr y Rhaglen, MPAS
Prifysgol Abertawe