Gofal Mamolaeth

Annwyl Ddosbarth – CMC 23/24,  

Croeso i Brifysgol Abertawe a llongyfarchiadau ar eich cais llwyddiannus ar y cwrs hwn. Rwy’n hynod falch o’r cwrs cyffrous hwn a gobeithiaf y byddwch yn ei gael yn ysgogol, yn ddifyr a bydd yn agor drysau ar gyfer pa bynnag lwybr a ddewiswch.  

Edrychaf ymlaen at ddod i adnabod pob un ohonoch a'ch cefnogi ar eich taith ddysgu. 

Edrychaf ymlaen at gwrdd â chi yn fuan, 

Cofion cynnes,  

Leanne Daniel

Cyfarwyddwr Rhaglen, Tystysgrif Addysg Uwch mewn Gofal Mamolaeth

Leigh Ham - Cyfarwyddwr Rhaglen ac arweinydd modiwl SHM100
Sian Jones - Dirprwy Gyfarwyddwr Rhaglen ac arweinydd modiwl SHM111
Anneka Bell - Arweinydd modiwl SHM128
Dr Alys Einion-Waller - Arweinydd modiwl SHM112
Leanne Daniel - Arweinydd modiwl SHM127 / 135
Nicky Court - Arweinydd modiwl SHM129

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.