Rheoliadau Academaidd  ar gyfer y Radd Doethur mewn Athroniaeth (Allanol)

Dylid darllen yr adran hon ar y cyd â  Canllawiau ar Dderbyn Myfyrwyr Ymchwil   

1.1     

Dyfernir graddau doethur i fyfyrwyr sydd wedi dangos:

• Eu bod wedi creu a dehongli gwybodaeth newydd, trwy ymchwil wreiddiol neu ysgolheictod uwch arall, sydd o ansawdd sy'n bodloni adolygiad cymheiriaid, sy'n ymestyn ffiniau'r ddisgyblaeth ac sy'n deilwng o gael ei gyhoeddi.
• Eu bod wedi caffael a deall yn systematig gorff sylweddol o wybodaeth sydd ar flaen y gad mewn disgyblaeth academaidd neu faes ymarfer proffesiynol.
• Gallu cyffredinol i gysyniadu, cynllunio a gweithredu prosiect er mwyn creu gwybodaeth, cymwysiadau neu ddealltwriaeth newydd sydd ar flaen y gad yn y ddisgyblaeth, ac i addasu cynllun y prosiect yn wyneb problemau nas rhagwelwyd.
• Dealltwriaeth fanwl o dechnegau cymwys ar gyfer ymchwil ac archwilio academaidd uwch.

 Yn nodweddiadol, bydd deiliaid y cymhwyster yn gallu gwneud y pethau canlynol:

• Dod i farn wybodus ar faterion cymhleth mewn meysydd arbenigol, yn aml yn absenoldeb data cyflawn, a gallu cyfleu eu syniadau a'u casgliadau yn glir ac yn effeithiol i gynulleidfaoedd arbenigol a lleyg.
• Parhau i ymgymryd ag ymchwil a datblygu pur a/neu gymwysedig ar lefel uwch, gan gyfrannu'n sylweddol at ddatblygiad technegau, syniadau neu ymagweddau newydd.

A bydd gan y deiliaid:

• Y rhinweddau a'r sgiliau trosglwyddadwy angenrheidiol ar gyfer cyflogaeth lle mae gofyn iddynt arfer cyfrifoldeb personol a menter annibynnol i raddau helaeth mewn sefyllfaoedd cymhleth nad oes modd eu darogan mewn amgylchedd proffesiynol neu gyfatebol.

1.2      

Rhaid i bob myfyriwr ymchwil gofrestru'n fyfyriwr ym Mhrifysgol Abertawe a thalu’r ffioedd priodol a bennir gan y Brifysgol.

1.3      

Fel arfer, ni all myfyrwyr ymchwil fod wedi’u cofrestru ar yr un pryd ar raglen arall sy’n dwyn dyfarniad yn y brifysgol hon neu unrhyw brifysgol/sefydliad arall.

1.4      

Rhaid i'r holl fyfyrwyr ymchwil fonitro’r cyfrif e-bost a roddwyd iddynt gan y Brifysgol trwy gydol cyfnod yr ymgeisyddiaeth gan y bydd yr holl ohebiaeth electronig oddi wrth y Brifysgol yn cael ei hanfon i gyfrif e-bost Prifysgol y myfyriwr. Awgrymir yn gryf bod pob myfyriwr ymchwil yn defnyddio’r cyfrif e-bost Prifysgol a roddwyd iddo wrth gyfathrebu â’r Brifysgol.

1.5      

Lefel astudio'r radd ymchwil a reolir gan y rheoliadau hyn fydd Lefel 8 y Fframwaith Cymwysterau Addysg Uwch (Lefel 8 FHEQ).

Dylid darllen yr adran hon ar y cyd â  Canllawiau ar Dderbyn Myfyrwyr Ymchwil   

2.1      

Fel arfer rhaid i ymgeiswyr am radd ddoethur ymchwil feddu ar radd israddedig o brifysgol gymeradwy a rhaid iddynt fod wedi ennill ail ddosbarth uwch (2:1) neu’n well, neu gymhwyster cyfwerth. Hefyd, fel arfer bydd gan ymgeiswyr radd meistr neu gymhwyster tebyg o brifysgol gymeradwy, neu dylent fod yn astudio am gymhwyster o'r fath.*

Gwiriwch y dudalen cwrs ar gyfer y rhaglen yr hoffech ei hastudio am ofynion ychwanegol sy'n benodol i'r rhaglen. Yn ogystal â chymwysterau academaidd, gall penderfyniadau ynghylch derbyn fod yn seiliedig ar ffactorau eraill gan gynnwys y canlynol (ac eraill): safon y crynodeb/cynnig ymchwil, perfformiad mewn cyfweliad, dwysedd y gystadleuaeth am leoedd cyfyngedig a phrofiad proffesiynol perthnasol.

*Mae prifysgolion cymeradwy yn cynnwys pob prifysgol y Deyrnas Unedig a'r mwyafrif o brifysgolion rhyngwladol. Am restr gyflawn, e-bostiwch astudio.

2.2

Caiff ymgeiswyr sydd â chymwysterau o sefydliadau y tu allan i'r DU eu gwirio gan ddefnyddio cronfa ddata ENIC a sefydlwyd gan y Cyngor Prydeinig. Defnyddir ENIC wrth asesu pob cais o’r tu allan i’r DU.

2.3      

Mae’n rhaid i ymgeiswyr nad y Saesneg yw eu hiaith frodorol ddarparu tystiolaeth o hyfedredd yn yr iaith Saesneg sy’n ddigonol ar gyfer astudiaethau ymchwil. Bydd gwahanol gyfadrannau/ysgolion yn gofyn am wahanol lefelau o hyfedredd yn yr iaith Saesneg. Mae Gwasanaethau Hyfforddiant Iaith Saesneg y Brifysgol yn cynnig ystod o gyrsiau iaith Saesneg yn ystod y flwyddyn. Mae'r Gwasanaeth yn cynnig ei brawf mewnol ei hun o ruglder yn yr iaith Saesneg a gydnabyddir at ddibenion derbyn i raglenni gradd y Brifysgol. Gofynnir i fyfyrwyr ddarparu prawf o’u cymwysterau iaith Saesneg cyn y caniateir iddynt gofrestru’n llawn gyda’r Brifysgol.

2.4    

Bydd y penderfyniad i dderbyn ymgeisydd i raglen arfaethedig o ymchwil yn gyfrifoldeb y Deon Gweithredol perthnasol neu unigolyn a enwebwyd ganddo. Dylai penderfyniadau fod yn seiliedig ar y ffactorau canlynol:

1. A yw’r Gyfadran/Ysgol yn fodlon bod yr ymgeisydd yn cyrraedd y safon academaidd angenrheidiol i allu cwblhau’r rhaglen ymchwil a fwriedir, waeth beth fo cymwysterau’r ymgeisydd;
2. A yw’r testun ymchwil a ddewiswyd gan y myfyriwr yn addas i’w astudio yn y dyfnder sydd ei angen ar gyfer y radd;
3. A allai aelod priodol o’r staff ddarparu goruchwyliaeth ddigonol yn unol â pharagraff 7;
4. A oes adnoddau a chyfleusterau addas ar gael i gynnal a chefnogi’r rhaglen ymchwil arfaethedig;
5. A yw’n ymddangos yn rhesymol y gellid cwblhau’r rhaglen arfaethedig o fewn y cyfnod byrraf posibl a bennwyd. 

2.5   

Rhaid i bob myfyriwr fatriciwleiddio o fewn tri mis cyntaf ei ymgeisyddiaeth yn unol â rheoliadau cyffredinol y Brifysgol ar Fatriciwleiddio.

2.6     

Mae'n rhaid i bob myfyriwr ymchwil gydymffurfio â'r rheoliadau a'r polisiau sydd wedi'u cynnwys yn y
Canllawiau ar Dderbyn Myfyrwyr Ymchwil.

2.7

Rhaid i ymgeisyddiaeth pob myfyriwr ymchwil fod yn seiliedig ar Gytundeb Dysgu Myfyriwr sydd wedi ei lofnodi gan bawb.

Dylid darllen y rhan hon mewn cysylltiad â'r polisi canlynol Canllawiau ar Dderbyn Myfyrwyr Ymchwil  

3.1      

Gradd ymchwil y gellir ei hastudio'n llawn amser neu'n rhan amser yw'r Doethur mewn Athroniaeth (Allanol). Gwneir yr ymchwil yn allanol i'r Brifysgol naill ai yn annibynnol o bell, neu, mewn cydweithrediad â sefydliad partner addysg uwch/ymchwil/gweithle yn y DU neu dramor. 

3.2      

Ni cheir dyfarnu gradd Doethur mewn Athroniaeth fel gradd er anrhydedd.

Dylid darllen y paragraff hwn ar y cyd â Chanllawiau’r Brifysgol ar Ymgeisyddiaeth Graddau Ymchwil Allanol a Chanllawiau’r Brifysgol i Drosglwyddo a Thynnu’n Ôl ar gyfer Myfyrwyr Ymchwil Allanol.

4.1      

Rhaid i fyfyriwr ymchwil ddilyn rhaglen astudio dan oruchwyliaeth, gan gynnwys ymchwil a datblygu medrau generig naill ai’n fyfyriwr amser llawn neu'n fyfyriwr rhan-amser. Nodir y cyfnodau byrraf posibl ar gyfer astudio dan oruchwyliaeth, o'r dyddiad cofrestru, yng Nghanllawiau’r Brifysgol ar Ymgeisyddiaeth Graddau Ymchwil Allanol. 

4.2      

Serch yr hyn y nodir ym mharagraff 4.1., caniateir i fyfyrwyr sy'n cofrestru ar radd ymchwil allanol astudio y tu allan i'r Brifysgol, a chaiff hyn ei gytuno pan dderbynnir y myfyriwr. Ni fyddai disgwyl i'r myfyriwr ymchwil fynychu'r Brifysgol fel arfer yn ystod ei ymgeisyddiaeth Fodd bynnag, mewn achosion eithriadol, os yw ymchwil y myfyriwr ymchwil yn golygu bod angen iddo ddod i'r Brifysgol, er mwyn defnyddio cyfleusterau neu offer arbenigol er enghraifft, bydd angen cytundeb penodol ei Gyfadran/Ysgol. Rhaid i uchafswm terfynau amser ar gyfer ymweliadau lynu wrth reoliadau mewnfudo'r Deyrnas Unedig.

4.3

Nid yw’r rheoliad sy’n ymwneud â throsglwyddo credydau ar gyfer yr elfen hyfforddiant yn berthnasol i’r radd hon. 

4.4

Mewn rhai achosion, gall myfyrwyr ymchwil wneud cais i'r Bwrdd Achosion Myfyrwyr, neu gall fod angen iddynt wneud hynny, i drosglwyddo rhaglen astudio fel a amlinellwyd yng Nghanllawiau’r Brifysgol i Drosglwyddo a Thynnu’n Ôl ar gyfer Myfyrwyr Ymchwil Allanol. Mewn achosion o’r fath bydd y Brifysgol yn pennu cyfnod cofrestredig byrraf diwygiedig. 

4.5

Gwaherddir myfyrwyr ymchwil rhag trosglwyddo eu hymgeisyddiaeth i sefydliad arall ar ôl cwblhau’r cyfnod byrraf posibl o ymgeisyddiaeth, fel yr amlinellir ym mharagraff 4.1, yn y Brifysgol hon.

4.6

Ni chaniateir fel arfer i fyfyrwyr ymchwil drosglwyddo eu dull astudio o astudio doethuriaeth wedi'i lleoli ar gampws Prifysgol Abertawe i ddoethuriaeth oddi ar y campws (astudio o bell).

Dylid darllen yr adran hon ar y cyd â Chanllawiau’r Brifysgol ar Ymgeisyddiaeth Graddau Ymchwil Allanol.   

5.1        

Rhaid i bob myfyriwr ymchwil gyflwyno traethawd ymchwil erbyn y dyddiad cyflwyno olaf fel y’i nodir yng Nghanllawiau’r Brifysgol  ar Ymgeisyddiaeth Graddau Ymchwil Allanol, sydd mewn grym ar yr adeg y derbynnir y myfyriwr ac fel a nodir yn y Llythyr Cynnig ffurfiol.    

5.2        

Pan fydd myfyriwr ymchwil yn methu cyflwyno traethawd ymchwil erbyn y dyddiad cyflwyno olaf, gall y Brifysgol fynnu bod yr ymgeisyddiaeth yn cael ei therfynu.  

Dylid darllen yr adran hon ar y cyd â Chanllawiau’r Brifysgol ar Ohiriadau ac Estyniadau ar gyfer Myfyrwyr Ymchwil Allanol  a Chanllawiau’r Brifysgol i Drosglwyddo a Thynnu’n Ôl ar gyfer Myfyrwyr Ymchwil Allanol.     

6.1      

O dan amgylchiadau eithriadol, ac yn unol â Chanllawiau’r Brifysgol ar Ohiriadau ac Estyniadau ar gyfer Myfyrwyr Ymchwil Allanol,, gellir mynnu bod rhaid i fyfyriwr ymchwil ohirio ei ymgeisyddiaeth am resymau disgyblaethol, ariannol neu iechyd.   

6.2        

Dan amgylchiadau eithriadol, gall myfyrwyr ymchwil ofyn am ohirio eu hymgeisyddiaeth neu am estyniad i’w hymgeisyddiaeth. Dylid gwneud pob cais i ohirio ymgeisyddiaeth neu i estyn ymgeisyddiaeth yn unol â Chanllawiau’r Brifysgol ar Ohiriadau ac Estyniadau ar gyfer Myfyrwyr Ymchwil Allanol. 

6.3        

Pan fydd ymgeisyddiaeth myfyriwr ymchwil yn cael ei gohirio, fel yr amlinellir ym mharagraffau 6.1 a 6.2 uchod, rhaid nodi, adeg y gohirio, ar ba ddyddiad y bydd y myfyriwr ymchwil yn ailgydio yn yr astudio.    

6.4        

Pan fydd myfyriwr ymchwil yn methu  ailgydio yn ei astudiaethau erbyn y dyddiad dychwelyd i astudio, bernir ei fod wedi tynnu’n ôl o’r rhaglen, fel yr amlinellir yng Nghanllawiau'r Brifysgol i Drosglwyddo a Thynnu’n Ôl ar gyfer Myfyrwyr Ymchwil Allanol.

6.5     

Fel arfer, bydd y Bwrdd Achosion Myfyrwyr yn gofyn bod myfyrwyr ymchwil sefydledig sydd wedi cwblhau blwyddyn neu fwy o'u hymchwil amser llawn ond sydd wedi mynd heibio i'r cyfnod gohirio hwyaf a ganiateir, yn tynnu'n ôl. Fodd bynnag, mewn amgylchiadau eithriadol, mae'n bosibl y caniateir i'r myfyrwyr hyn ailymgeisio i ailgofrestru ar yr un cam â'r ymchwil blaenorol (o fewn cyfnod hwyaf o 2 flynedd o'r dyddiad tynnu'n ôl). Dyma'r unig amgylchiadau lle gellir caniatáu lleihau hyd ymgeisyddiaeth myfyriwr.  

Dylid darllen yr adran hon yn unol â Chanllawiau’r Brifysgol ar Oruchwyliaeth Ymchwil Ôl-raddedig Allanol.

7.1      

Caiff myfyrwyr ymchwil eu goruchwylio, ar sail reolaidd a pharhaus, yn unol â'r gweithdrefnau ar gyfer goruchwyliaeth ôl-raddedig fel yr amlinellir yng Nghanllawiau’r Brifysgol ar Oruchwyliaeth Ymchwil Ôl-raddedig Allanol.

7.2    

Bydd gan bob myfyriwr ymchwil dîm o oruchwylwyr sydd wedi ei benodi gan ei Ddeon Gweithredol neu enwebai. Bydd y tîm goruchwylio yn cynnwys o leiaf ddau oruchwyliwr mewnol sy'n gymwys ar gyfer y penodiad fel yr amlinellwyd yng Nghanllawiau’r Brifysgol ar Oruchwyliaeth Ymchwil Ôl-raddedig Allanol. Bydd un goruchwyliwr yn cael ei ddynodi’n oruchwyliwr cyntaf/prif oruchwyliwr.

 7.3      

Rhaid bod goruchwylwyr mewnol yn aelodau o staff Prifysgol Abertawe fel yr amlinellwyd yng Nghanllawiau’r Brifysgol ar Oruchwyliaeth Ymchwil Ôl-raddedig Allanol. Y goruchwyliwr cyntaf/prif oruchwyliwr fydd yn gyfrifol yn bennaf am adrodd wrth Fwrdd Dilyniant a Dyfarniadau'r Gyfadran/Ysgol, fel yr amlinellwyd ym mharagraff 8.

7.4      

Bydd myfyrwyr ymchwil sy'n gwneud ymchwil mewn cydweithrediad â gweithle, sefydliad addysg uwch partner neu sefydliad ymchwil, yn derbyn ymgynghorydd allanol yn ogystal a'r Goruchwyliwr(wyr) fel y nodir ym mharagraff 7.2. Penodir ymgynghorwyr allanol yn unol â Chanllawiau'r Brifysgol ar Oruchwyliaeth Ymchwil Ôl-raddedig Allanol gyda chymeradwyaeth y Gyfadran/Ysgol ac/neu'r Pwyllgor Rheoliadau, Ansawdd a Safonau. Mae'n bosibl hefyd y caiff y fath ymgynghorwyr gydnabyddiaeth swyddogol gan y Brifysgol.

Dylid darllen yr adran hon ar y cyd â Chanllawiau’r Brifysgol ar Fonitro Cynnydd Myfyrwyr Ymchwil Allanol.

8.1      

Mae'n rhaid i'r Gyfadran/Ysgol gadarnhau ymgeisyddiaeth pob myfyriwr ymchwil o fewn tri mis iddynt gofrestru fel y nodir yng Nghanllawiau’r Brifysgol  ar Fonitro Cynnydd Myfyrwyr Ymchwil Allanol.

8.2      

Os nad yw Cyfadran/Ysgol yn gallu cadarnhau ymgeisyddiaeth myfyriwr ymchwil o fewn tri mis o’r cofrestriad cychwynnol, efallai y bydd yn rhaid i'r myfyriwr ohirio neu dynnu yn ôl o'r rhaglen.

8.3      

Caiff cynnydd myfyriwr ymchwil ar ymgeisyddiaeth fyrraf bosib ei fonitro'n rheolaidd gan y Bwrdd Dilyniant a Dyfarniadau er mwyn penderfynu a ganiateir i fyfyriwr ymchwil symud ymlaen. Caiff cynnydd ei fonitro ar adegau penodol fel y nodir yng Nghanllawiau’r Brifysgol ar Fonitro Cynnydd Myfyrwyr Ymchwil Allanol.

8.4      

Bydd myfyrwyr ymchwil sy'n mynd y tu hwnt i'w hymgeisyddiaeth fyrraf yn parhau i gael eu monitro'n fisol gan y Bwrdd Dilyniant a Dyfarniadau tan iddynt gyflwyno'r traethawd ymchwil neu ddod i ddiwedd yr ymgeisyddiaeth.

8.5      

Os bernir bod cynnydd myfyriwr ymchwil yn anfoddhaol, efallai y caiff ei orfodi i drosglwyddo i raglen arall, neu i dynnu’n ôl o’r rhaglen. Sylwer: Fel yn 4.6, ni chaniateir fel arfer i fyfyrwyr ymchwil drosglwyddo eu dull astudio o Ddoethuriaeth wedi ei lleoli ar gampws Prifysgol Abertawe i ddoethuriaeth oddi ar y campws (astudio o bell).

8.6      

Yng nghyd-destun paragraffau 8.2 ac 8.5 uchod, bydd gan fyfyrwyr ymchwil hawl i apelio yn erbyn penderfyniadau dilyniant yn unol â gweithdrefnau Prifysgol Abertawe ar Gywirdeb Marciau a Gyhoeddwyd neu ei gweithdrefnau ar gyfer Apeliadau Academaidd.

Dylid darllen yr adran hon ar y cyd â Chanllawiau’r Brifysgol ar Gyflogaeth Myfyrwyr Ymchwil Allanol.

9.1    

Rhaid i fyfyrwyr ymchwil llawn amser sy’n ceisio am swydd, ar ben eu hastudiaethau, naill ai yn y Brifysgol neu’r tu allan iddi, lynu wrth y canllawiau ar gyflogaeth a gyhoeddwyd yng Nghanllawiau’r Brifysgol ar Gyflogaeth Myfyrwyr Ymchwil Allanol.

Dylid darllen yr adran hon ar y cyd â Chanllawiau’r Brifysgol ar Gyflwyno Traethawd Ymchwil ar gyfer Myfyrwyr Ymchwil Allanol.

10.1   

Caiff myfyrwyr ymchwil gradd Doethur mewn Athroniaeth eu harholi mewn dwy ran:

• Bydd y rhan gyntaf ar ffurf traethawd ymchwil sy’n cynnwys dulliau a chanlyniadau’r prosiect ymchwil. Dylid cyflwyno pob traethawd ymchwil yn unol â Chanllawiau’r Brifysgol ar Gyflwyno Traethawd Ymchwil ar gyfer Myfyrwyr Ymchwil Allanol.
• Bydd yr ail ran ar ffurf arholiad llafar (viva voce) fel y nodir ym mharagraff 15 isod.

10.2   

Yn unol â'r Canllawiau i Arholi Myfyrwyr Ymchwil, gall y Deon Gweithredol neu enwebai ddirprwyo'r tasgau gweinyddol sy'n gysylltiedig â chyflwyno ac arholi traethawd ymchwil i aelod o'i staff a bydd hefyd yn enwebu Cadeirydd y Bwrdd Arholi. Dylai Cadeirydd y Bwrdd Arholi fod yn aelod o staff y Gyfadran/Ysgol, gyda phrofiad addas, nad yw wedi ymwneud yn uniongyrchol â goruchwylio'r myfyriwr.

11.1

Nid yw’r rheoliadau sy’n ymwneud ag asesu ymarfer a hyfforddiant proffesiynol/diwydiannol yn berthnasol i’r radd hon.

Dylid darllen y paragraff hwn ar y cyd â Chanllawiau’r Brifysgol ar Gyflwyno Traethawd Ymchwil ar gyfer Myfyrwyr Ymchwil Allanol  a Chanllawiau’r Brifysgol ar Arholi Myfyrwyr Ymchwil Allanol.

12.1   

Rhaid i fyfyrwyr ymchwil hysbysu'r Brifysgol o'u bwriad i gyflwyno traethawd i'w arholi, o leiaf dri mis cyn y dyddiad cyflwyno disgwyliedig.

12.2   

Ar ôl cwblhau cyfnod byrraf posibl yr ymgeisyddiaeth, caniateir i fyfyriwr ymchwil gyflwyno copïau o draethawd ymchwil i’w arholi yn unol â Chanllawiau’r Brifysgol ar Gyflwyno Traethawd Ymchwil ar gyfer Myfyrwyr Ymchwil Allanol.

12.3   

Dylid cyflwyno copi electronig wedi'i ddiwygio ar ôl iddo gael ei arholi os oes unrhyw gywiriadau neu ddiwygiadau wedi'u gwneud.

12.4   

Gall unrhyw fyfyriwr ymchwil sy’n dilyn rhaglen ymchwil yn y Brifysgol ddewis cyflwyno traethawd ymchwil, neu waith arall, yn Gymraeg neu yn Saesneg. Rhaid i fyfyriwr ymchwil sy’n dymuno cael ei asesu mewn iaith (hynny yw, y Gymraeg neu Saesneg) nad yw’n brif iaith addysgu/asesu'r rhaglen dan sylw hysbysu'r Bwrdd Achosion Myfyrwyr cyn diwedd cyfnod byrraf posib yr ymgeisyddiaeth. Gwneir trefniadau yn unol â’r hyn a amlinellir yng Nghanllawiau’r Brifysgol ar Arholi Myfyrwyr Ymchwil Allanol. Hefyd, rhaid cyflwyno cais i gael eich asesu trwy gyfrwng y Gymraeg i'r Gyfadran/Ysgol cyn diwedd y cyfnod byrraf o ymgeisyddiaeth sy'n bosibl.

12.5   

Mewn achosion lle y gellid barnu ei bod hi'n briodol cyflwyno traethawd ymchwil mewn iaith heblaw am Gymraeg/Saesneg am resymau academaidd neu le y mae cyflwyno’r traethawd mewn iaith arall yn un o ofynion y rhaglen benodol, gall y Bwrdd Achosion Myfyrwyr roi caniatâd lle y cyflwynir dadl resymol i’r perwyl hwnnw. Serch hynny, ni fydd y Bwrdd Achosion Myfyrwyr yn cymeradwyo ceisiadau sy’n deillio o ddiffyg gallu’r myfyriwr i gynhyrchu gwaith i’w gyflwyno yn Gymraeg neu yn Saesneg.

12.6   

Ar dderbyn hysbysiad o fwriad i gyflwyno, bydd y Deon Gweithredol neu ei enwebai yn enwebu aelodau o’r Bwrdd Arholi a gyfansoddir yn unol â pharagraff 14 isod ac fel y nodir yng Nghanllawiau’r Brifysgol ar Arholi Myfyrwyr Ymchwil Allanol. Caiff y myfyriwr ymchwil ei hysbysu am enwau aelodau arfaethedig y Bwrdd Arholi. Caiff penodiad aelodau’r Bwrdd Arholi ei gadarnhau gan y Pwyllgor Ymchwil Ôl-raddedig.

12.7   

Bydd yn rhaid i fyfyrwyr ymchwil sy’n ailgyflwyno traethawd ymchwil nad yw wedi bodloni’r Arholwyr yn y gorffennol gyflwyno’r traethawd ymchwil diwygiedig yn unol â Chanllawiau’r Brifysgol ar Gyflwyno Traethawd Ymchwil ar gyfer Myfyrwyr Ymchwil Allanol. Efallai y bydd yn rhaid i’r myfyriwr ymchwil hefyd dalu ffi ailgyflwyno ychwanegol.

Dylid darllen yr adran hon ar y cyd â Chanllawiau’r Brifysgol ar Gyflwyno Traethawd Ymchwil ar gyfer Myfyrwyr Ymchwil Allanol  a Chanllawiau’r Brifysgol ar Arholi Myfyrwyr Ymchwil Allanol. 

13.1  

Bydd traethawd ymchwil a gyflwynir am radd uwch yn y Brifysgol ar gael yn agored, ac ni chaiff ei roi mewn unrhyw ddosbarthiad diogelwch ac ni fydd unrhyw gyfyngu ar ei ddefnyddio.

13.2   

Er gwaethaf paragraff 13.1, mae'n bosib y caniateir i'r Brifysgol, ar argymhelliad arbennig a gymeradwywyd gan y Deon Gweithredol neu ei enwebai, osod gwaharddiad ar fynediad at waith myfyriwr am gyfnod o hyd at 5 mlynedd. Dylid cyflwyno cais am waharddiad ar fynediad i’r Deon Gweithredol neu ei enwebai cyn arholi'r traethawd hir.

Dylid darllen yr adran hon ar y cyd â Chanllawiau’r Brifysgol ar Arholi Myfyrwyr Ymchwil Allanol.

14.1   

Bydd pob Bwrdd Arholi ar gyfer myfyrwyr yn cynnwys yr unigolion canlynol:

• Cadeirydd annibynnol, sef y Deon Gweithredol neu aelod o staff gyda phrofiad priodol a enwebwyd gan y Deon Gweithredol. Mae disgwyl i Gadeirydd y Bwrdd Arholi gadeirio’r arholiad llafar ac unrhyw gyfarfod o’r arholwyr.
• Arholwr neu arholwyr allanol a benodir yn unol â Chanllawiau'r Brifysgol ar Arholi Myfyrwyr Ymchwil Allanol.
• Arholwr mewnol a benodir yn unol â Chanllawiau'r Brifysgol ar Arholi Myfyrwyr Ymchwil Allanol.

14.2  

Bydd cyfansoddiad y Bwrdd Arholi yn unol â'r hyn a nodir yn y Canllawiau ar Arholi Myfyrwyr Ymchwil Allanol.

14.3 

Ni chaniateir i oruchwylwyr y myfyriwr ymchwil nac unrhyw aelod o staff sydd ynghlwm wrth oruchwylio’r myfyriwr ymchwil fod yn rhan o’r Bwrdd Arholi, ond gall Cadeirydd y Bwrdd Arholi eu gwahodd, ar ôl cael caniatâd ysgrifenedig penodol yr ymgeisydd ymlaen llaw, i fynychu’r arholiad llafar mewn rôl ymgynghorol. Caiff ymgynghorydd siarad dim ond ar ôl cael ei wahodd i wneud hynny gan y Cadeirydd.

14.4   

Pan fydd myfyriwr ymchwil yn aelod o staff y Brifysgol adeg yr arholiad, bydd y Bwrdd Arholi yn cynnwys yr unigolion canlynol:

• Cadeirydd, fel y nodir ym mharagraff 14.1 a) uchod.
• Dau arholwr allanol, a benodir yn unol â Chanllawiau’r Brifysgol ar Arholi Myfyrwyr Ymchwil Allanol. 

14.5   

Bydd Cadeirydd y Bwrdd Arholi neu enwebai’n gyfrifol am sicrhau bod yr arholwr neu’r arholwyr mewnol, a’r arholwr neu’r arholwyr allanol, yn derbyn copïau o’r traethawd ymchwil i’w arholi ynghyd ag unrhyw ddogfennau perthnasol eraill fel y nodir yng Nghanllawiau’r Brifysgol ar Arholi Myfyrwyr Ymchwil Allanol.

Dylid darllen yr adran hon ar y cyd â Chanllawiau’r Brifysgol ar Gyflwyno Traethawd Ymchwil ar gyfer Myfyrwyr Ymchwil Allanol a Chanllawiau’r Brifysgol ar Arholi Myfyrwyr Ymchwil Allanol.

15.1   

Bydd disgwyl i’r Bwrdd Arholi gynnal arholiad llafar ar gyfer pob myfyriwr ar gyfer gradd ymchwil. Yn achos myfyriwr y caniateir iddo ailgyflwyno o fewn 12 mis, fel arfer byddai disgwyl ail arholiad llafar. Fodd bynnag, mewn achosion eithriadol, gellir hepgor yr angen i gynnal ail arholiad llafar os darperir dadl fanwl o blaid ei ddileu yn adroddiad ysgrifenedig Cadeirydd y Bwrdd Arholi. Bydd angen i'r adroddiad ysgrifenedig gael ei gytuno, a'i gyd-lofnodi, gan bob aelod o'r Bwrdd Arholi.

15.2   

Rhaid cynnal pob arholiad llafar o fewn chwe mis i ddyddiad cyflwyno’r traethawd ymchwil. Byddai angen cytuno ar unrhyw eithriadau naill ai fel eithriad neu gytuno i adlewyrchu natur yr amgylchiadau (gweler paragraff 3.1).

15.3   

Mae angen i unrhyw fyfyriwr ymchwil y mae angen darpariaeth arbennig arno ar gyfer yr arholiad llafar hysbysu'r Bwrdd Dilyniant a Dyfarniadau cyn cyflwyno'r traethawd. Gwneir trefniadau yn unol â’r hyn a amlinellir yng Nghanllawiau’r Brifysgol ar Arholi Myfyrwyr Ymchwil Allanol. 

15.4   

Bydd gan oruchwylwyr y myfyriwr ymchwil yr hawl i gyfleu unrhyw bryderon ynghylch prosiect ymchwil myfyriwr, y traethawd ymchwil sy’n deillio ohono neu ynghylch ei arholi i Gadeirydd y Bwrdd Arholi, y mae’r goruchwylwyr yn teimlo y dylai’r Bwrdd eu hystyried cyn gwneud ei benderfyniad. Bydd y goruchwylwyr yn cyfleu’r pryderon hyn, yn ysgrifenedig, i’r Cadeirydd ac i’r myfyriwr ymchwil cyn gynted ag y bo'n rhesymol ymarferol wedi cyflwyno’r thesis ac yn ddigon cynnar i roi digon o amser i’r myfyriwr ymchwil, cyn arholi’r traethawd ymchwil (gan gynnwys unrhyw arholiad llafar), ystyried y pwyntiau a wnaed a pharatoi ymateb.

15.5   

Cynhelir yr arholiad llafar yn unol â Chanllawiau’r Brifysgol ar Arholi Myfyrwyr Ymchwil Allanol. Caiff argymhelliad y Bwrdd Arholi ei gyflwyno i'r Bwrdd Dilyniant a Dyfarniadau i'w gadarnhau.

16.1   

Dilynwch y ddolen isod i weld y rheoliadau ar raddau Aegrotat. 

Dilynwch y ddolen isod i weld y rheoliadau ar raddau wedi Marwolaeth. 

17.1   

Caiff myfyrwyr ymchwil nad yw’r Bwrdd Arholi wedi’u hargymell ar gyfer y dyfarniad y cyflwynwyd y traethawd ymchwil ar ei gyfer apelio yn erbyn y penderfyniad a gofyn am apêl academaidd. Cynhelir pob apêl academaidd yn unol â gweithdrefnau Cywirdeb Marciau a Gyhoeddwyd a gweithdrefnau Apeliadau Academaidd Prifysgol Abertawe.

18.1   

Ystyrir honiadau o gamymddygiad Academaidd yn unol â gweithdrefnau a rheoliadau Camymddygiad Academaidd Prifysgol Abertawe. Caiff honiadau o arfer annheg a ddaw i law’r Brifysgol ar ôl cyflwyno’r radd i’r ymgeisydd eu hystyried gan y sefydliad sy’n dyfarnu’r radd.

19.1   

Caiff honiadau ynghylch Addasrwydd i ymarfer eu hystyried yn unol â Rheoliadau Addasrwydd i Ymarfer y Brifysgol.

20.1   

Dylai myfyrwyr sy’n anfodlon ar y goruchwylio, y cyfleusterau neu'r gwasanaethau a ddarperir gan y Brifysgol, neu’r modd y mae’r Brifysgol, ei myfyrwyr, neu ei staff wedi ymddwyn neu heb ymddwyn, ddilyn y camau gweithredu a amlinellwyd yng Ngweithdrefn Cwynion Prifysgol Abertawe.

21.1

Os oes angen fisa ar fyfyrwyr rhyngwladol i'w galluogi i astudio yn y Brifysgol, dylent sylwi bod eu hawl i astudio yn y Brifysgol yn amodol ar fodloni amodau eu fisa a'r terfynau amser a bennir gan Swyddfa Fisâu a Mewnfudo y Deyrnas Unedig (UKVI). Am ragor o wybodaeth, ewch i https://www.gov.uk/browse/visas-immigration/student-visas.

21.2

Gwneir penderfyniadau gan y Brifysgol o ran statws cofrestru myfyriwr, perfformiad academaidd, cynnydd, a'r dyfarniad, yn unol â rheoliadau academaidd ac ariannol y Brifysgol, ac ni fydd cyfyngiadau fisa na chyfyngiadau amser a osodir gan Asiantaeth Fisâu a Mewnfudo'r Deyrnas Unedig (UKVI) yn effeithio arnynt. Fodd bynnag, mae parhau ag astudiaethau'n amodol ar fodloni gofynion y Brifysgol a dal fisa ddilys. Dylai myfyrwyr sydd â phryderon neu ymholiadau am eu fisa gysylltu â Rhyngwladol@BywydCampws.