Monitro Cyfranogiad Myfyrwyr Ymchwil

Mae'r Brifysgol yn cofnodi data presenoldeb ar gyfer yr holl fyfyrwyr, ym mhob sesiwn ddysgu, gan gynnwys cyfarfodydd goruchwylio.

Mae cydberthynas rhwng cyfranogiad a pherfformiad. Po fwyaf y byddwch chi'n cymryd rhan, gwell y byddwch chi'n ei wneud. Yn ogystal, mae'r cyrff sy'n ariannu ac yn noddi myfyrwyr yn mynnu bod y Brifysgol yn casglu data presenoldeb. 

Caiff cyfranogiad ei fonitro drwy gyfarfodydd misol â'ch goruchwyliwr.

Os ydych yn methu mynd i'ch cyfarfod misol heb ganiatâd ymlaen llaw, bydd y broses monitro presenoldeb ffurfiol yn cychwyn.

Os ydych chi'n fyfyriwr nad ydych ar y Llwybr Myfyriwr (Haen 4 gynt), bydd eich Cyfadran/Ysgol yn cysylltu â chi i'ch cynghori chi am ganlyniadau diffyg presenoldeb a chyfranogiad a gofynnir i chi aildrefnu eich cyfarfod â'ch goruchwyliwr.

Os ydych chi'n fyfyriwr ar y Llwybr Myfyriwr (Haen 4 gynt) sydd wedi’i noddi gan y Brifysgol, bydd disgwyl i chi fynd i gyfarfod gyda’r Gwasanaethau Cydymffurfiaeth Myfyrwyr. Os byddwch yn methu mynychu’r cyfarfodydd hyn, fel arfer bydd rhaid i chi dynnu allan o’r Brifysgol.  

Os ydych chi'n colli cyfarfodydd goruchwylio ac apwyntiadau ymchwil am gyfnod pellach o 4 wythnos, bydd yn rhaid i chi gwrdd â Chyfarwyddwr Ymchwil neu Ymchwil Ôl-raddedig eich Coleg/Ysgol.

Bydd yn rhaid i fyfyrwyr ar y Llwybr Haen 4 sydd wedi'u noddi gwrdd â'r Gwasanaethau Cydymffurfiaeth Myfyrwyr i adolygu eu presenoldeb a chyfranogiad gwael.Os na fyddwch yn mynychu'r cyfarfod hwn ac nid yw eich cyfranogiad a'ch presenoldeb yn gwella, efallai y bydd yn rhaid i chi dynnu'n ôl.

Bydd y Brifysgol yn cysylltu â chi am eich presenoldeb drwy e-bostio eich cyfeiriad myfyriwr. Defnyddir e-bost bron bob amser i gyfathrebu â myfyrwyr, felly mae'n bwysig darllen eich e-bost bob dydd. Dylech feddwl am ddarllen eich cyfrif e-bost myfyriwr bob dydd fel ymrwymiad proffesiynol.

Mae'n ofynnol i fyfyrwyr â fisâu Llwybr Myfyriwr (Haen 4 gynt) ddangos lefelau uchel o ymrwymiad er mwyn cynnal statws eu fisa.

Mae'n anochel y bydd proses gyflymach yn berthnasol i fyfyrwyr â fisa Llwybr Myfyriwr (Haen 4 gynt) sy'n methu sesiynau goruchwylio. Os bydd myfyrwyr Llwybr Myfyriwr (Haen 4 gynt) noddedig yn methu un cyfarfod misol gyda'u goruchwyliwr, bydd y Gwasanaethau Cydymffurfiaeth Myfyrwyr yn cysylltu â nhw ac yn eu gwahodd i gyfarfod i drafod eu diffyg presenoldeb.

I gynorthwyo'r Brifysgol i fodloni ei rhwymedigaethau fel noddwr Llwybr Myfyriwr (Haen 4 gynt), bydd y Gwasanaethau Cydymffurfiaeth Myfyrwyr yn gwirio presenoldeb ac ymrwymiad myfyriwr Haen 4 ar dair adeg yn ystod cyfnod treigl o 12 mis.  Yn dilyn y gwiriadau hyn, gall myfyrwyr dderbyn e-bost am eu presenoldeb neu wahoddiad i gwrdd â'r Gwasanaethau Cydymffurfiaeth Myfyrwyr. 

Mae'n rhaid i'r Brifysgol hysbysu Teithebau a Mewnfudo'r DU (UKVI) am ddiffyg presenoldeb a byddant yn gweithredu i ddiddymu caniatâd i aros.

Am ragor o wybodaeth, e-bostiwch Tier4Attendance@abertawe.ac.uk

Dylech roi gwybod i'ch Cyfadran/Ysgol am unrhyw resymau sy'n eich atal rhag cyfranogi/mynychu.

Os bydd angen i chi fod yn absennol am gyfnod hir - cysylltwch â'ch Cyfadran/Ysgol cyn gynted â phosib.

Fel rheol byddai absenoldeb dros 60 niwrnod yn golygu gohirio eich astudiaethau; mae'n anodd dal i fyny ar ôl absenoldeb hir, am unrhyw reswm.

Am ragor o wybodaeth, cysylltwch â Swyddfa'ch Cyfadran/Ysgol.

Os bydd eich presenoldeb/cyfranogiad yn gwella, byddwn yn cysylltu â chi ac yn eich annog i barhau i ymgymryd yn llawn â'ch astudiaethau. Byddwch chi'n cwympo i lawr 'camau' y system monitro presenoldeb/cyfranogiad y system yn raddol.

Bydd eich Cyfadran/Ysgol neu'r Gwasanaethau Cydymffurfiaeth Myfyrwyr yn rhoi gwybod i chi drwy e-bost os ydych yn cael eich tynnu'n ôl o'r Brifysgol oherwydd diffyg cyfranogiad. Bydd gennych hawl i ofyn i’r penderfyniad hwn cael ei adolygu, gweler y Polisi Monitro Cyfranogiad i gael mwy o wybodaeth.

Cysylltwch â'ch Cyfadran/Ysgol i drafod gwneud cais i astudio o bell. Bydd rhaid gwneud trefniadau gyda nhw i barhau â'ch sesiynau goruchwylio cyn gadael Abertawe. Dylid parhau i gynnal y sesiynau hyn gan ddefnyddio dulliau gwahanol (e.e. Zoom) pan na fydd yn bosib eu cynnal wyneb yn wyneb.

Rhaid i fyfyrwyr ar fisa Llwybr Myfyriwr (Haen 4 gynt) sy'n astudio ar sail dysgu o bell yn y DU gynnal o leiaf 50% o'u sesiynau goruchwylio yn bersonol neu drwy ddull addas arall (e.e. Zoom) bob semester academaidd, oni bai y caiff ei gytuno gyda'r Gwasanaethau Cydymffurfiaeth Myfyrwyr.

Bydd angen i chi hysbysu eich Cyfadran/Ysgol am absenoldeb dros dro a gynlluniwyd sy'n hwy na phum niwrnod gwaith. Caiff hyn ei ystyried yn "cais am absenoldeb dros dro o astudiaethau". Mae'r canlynol yn rhestr nad yw'n gynhwysfawr o'r amgylchiadau y byddai'n cael eu derbyn yn gyffredinol gan y Brifysgol:

• Amgylchiadau rhesymol a allai godi o ganlyniad i bandemig COVID-19.

• Marwolaeth neu salwch difrifol perthynas neu ffrind agos.
• Amgylchiadau personol neu deuluol anffafriol sylweddol - megis ysgariad, byrgleriaeth, tân, achos llys sylweddol, anawsterau ariannol y tu hwnt i reolaeth y myfyriwr ac sy'n gofyn bod y myfyriwr yn absennol o'r Brifysgol ar fyr rybudd.
• Dyletswydd rheithgor.
• Ymrwymiadau chwaraeon a/neu gelfyddydol, fel arfer pan fydd y myfyriwr yn cymryd rhan.

Gallwch weld eich data cyfranogiad/presenoldeb drwy'r system RMS/eVision.

Os oes gennych gwestiynau, ewch i Swyddfa Wybodaeth eich Cyfadran/Ysgol neu MyUniHub.