Rydym ni'n ymdrechu i gefnogi myfyrwyr drwy gydol dy amser yn byw yn ein preswylfeydd. Mae nifer o rwydweithiau cymorth ar gael er mwyn i ti gysylltu â nhw.
Dysga ragor am yr wybodaeth sydd ar gael i fyfyrwyr mewn preswylfeydd.
Mae cymorth ar gael i bob myfyriwr sy'n byw ym mhreswylfeydd y Brifysgol
Arweiniad ynghylch Llety
Gais Cyrraedd yn Hwyr
Bydd eich llety’n barod i chi pan fyddwch yn ymgofrestru ar ddyddiad dechrau eich Cytundeb Tenantiaeth.
Os ydych yn bwriadu cyrraedd mwy na 3 diwrnod ar ôl dyddiad dechrau eich contract ac rydych am i ni gadw eich ystafell ar gyfer eich cyrhaeddiad hwyr, cyflwynwch Gais Cyrraedd yn Hwyr.
Newid Ystafelloedd
O bryd i'w gilydd, hoffai myfyrwyr newid ystafelloedd wrth fyw mewn preswylfa, am wahanol resymau.
- Os ydych chi am newid ystafelloedd cyn i chi gyrraedd eich llety, cwblhewch Ffurflen Gais am Newid Ystafell Cyn Cyrraedd.
- Os ydych chi eisoes wedi symud i mewn i'ch llety, cwblhewch y Ffurflen Gais am Newid Ystafell yn Fewnol.
Cyfnewid Ystafelloedd
Mae gennym dudalen Cyfnewid Ystafelloedd ar Facebook. Os wyt ti'n postio yma, efallai bydd modd i ti newid ystafell, a'r gost fydd £5 yn unig. Gwna'n siŵr dy fod yn nodi os yw dy fflat di: yn ddi-alcohol, ar gyfer Un Rhyw, yn dawel, yn ardal i fyfyrwyr aeddfed neu'n ardal i Ôl-raddedigion. Os wyt ti'n dod o hyd i rywun sydd am gyfnewid ystafell â thi, cyflwyna Ffurflen Cais am Gyfnewid Ystafelloedd. Rydym yn ceisio prosesu hon cyn gynted â phosibl pan fydd y ddau fyfyriwr yn rhoi gwybod i ni eu bod am gyfnewid.
Cyflwyno Cais i Drosglwyddo
Yn ystod ychydig wythnosau cyntaf y tymor, bydd yn ymddangos bod llawer o ystafelloedd ar gael, ond mae'r ystafelloedd hynny wedi'u neilltuo drwy gontract i fyfyrwyr sydd wedi trefnu cyrraedd yn hwyr. Mae'n bwysig dy fod yn dilyn arweiniad y tîm llety ynghylch hyn, a byddwn ni'n gwneud popeth ag y gallwn i dy gefnogi drwy'r broses.
Oherwydd nifer y ceisiadau ar ddechrau'r flwyddyn, mae'n annhebyg y byddwn yn gallu ymateb i bob cais yn syth. Pan fo'n bosibl, byddwn ni'n ceisio cydlynu'r symud cyn gynted â phosibl, ond weithiau gall y rhain gymryd 2 i 4 wythnos ac mae'n hanfodol cofio nad oes gwarant yn y broses hon.
Sylwer:
- Byddwn ni'n gweithredu'r rhestr newid ystafelloedd yn unol â threfn blaenoriaeth, sy'n seiliedig ar ddyddiad dy gais ac unrhyw anghenion meddygol neu anableddau.
- Codir tâl gweinyddu o £50 ar gyfer pob newid llwyddiannus.
- Gwiria dy e-byst yn rheolaidd. Caiff diweddariadau eu hanfon i dy gyfrif e-bost yn y Brifysgol, oherwydd hwn sydd wedi'i gysylltu â dy gofnod llety.
- Rho gymaint o wybodaeth â phosibl ar gyfer dy gais, er mwyn i ni allu cynnig y dewis gorau i ti e.e. llety ar gyfer un rhyw, llety di-alcohol etc.
- Rhaid adnewyddu'r cais bob 14 diwrnod, neu bydd y cais yn darfod. Os nad wyt ti'n dilyn y broses, bydd yn ofynnol i ti gyflwyno cais newydd a fydd yn oedi'r symud.
- Ar ôl i ti dderbyn cynnig, bydd gennyt 3 diwrnod i'w dderbyn cyn iddo gael ei ganslo. Caiff y cynnig hwn ei anfon at dy gyfeiriad yn y Brifysgol.
- Codir ffi weinyddol o £50 am bob cais llwyddiannus i drosglwyddo neu symud ystafell.
- Efallai na fyddwn ni'n ystyried dy drosglwyddo os oes gennyt ddyled heb ei thalu.
Dod â dy astudiaethau i ben
Mae myfyrwyr sy'n derbyn cytundeb am lety'r Brifysgol yn gwneud hynny am y cyfnod llawn sydd wedi'i nodi ar eu cytundebau, a fydd fel arfer am flwyddyn academaidd gyfan neu'r gyfran sy'n weddill. Mae'r Contract Meddiannaeth Safonol yn creu rhwymedigaeth gyfreithiol rhwng y myfyriwr/deiliad y contract a'r landlord. Mae'r Contract Meddiannaeth Safonol yn gontract cyfnod penodol na ellir ei derfynu cyn y dyddiad terfynu (oni bai mewn achos o'r amgylchiadau eithriadol a nodir isod) a chyfrifoldeb y myfyriwr yw talu Ffioedd Llety am gyfnod llawn y contract.
Cynghorir myfyrwyr i beidio ag arwyddo unrhyw gytundeb heb gael eu rhyddhau'n ffurfiol o'r Contract Meddiannaeth gyda'r Brifysgol. Mae hyn er mwyn osgoi'r risg o fod yn gyfrifol am ddau Gontract Meddiannaeth ar wahân.
Tynnu'n ôl, Gohirio neu Atal eich Astudiaethau:
Bydd hawl gan y myfyriwr i gael ei ryddhau o'r Contract Meddiannaeth o fewn cyfnod rhybudd o 6 wythnos os yw un o'r amodau canlynol yn berthnasol:
- Nid yw'r myfyriwr yn cychwyn ar ei gwrs yn y Brifysgol.
- Mae'r myfyriwr yn gohirio ei astudiaethau yn y Brifysgol.
- Mae'r myfyriwr wedi cael ei atal o astudio yn y Brifysgol.
- Mae'r myfyriwr yn tynnu'n ôl o astudio yn y Brifysgol.
Os ydych yn byw yn llety'r Brifysgol, eich cyfrifoldeb chi yw cymryd y camau gweithredu canlynol. Ni fydd eich atebolrwydd ariannol yn dod i ben nes i chi gwblhau'r canlynol:
- Ffurfioli eich penderfyniad i dynnu'n ôl/atal/gohirio eich astudiaethau gyda'ch adran academaidd.Dysgwch fwy am y broses Trosglwyddo, Tynnu'n Ôl ac Atal yma.
- Cyflwynwch gais i gael eich rhyddhau o'r llety
- Glanhewch eich ystafell ac ewch â’ch holl eiddo a sbwriel o'r ystafell.
- Dychwelwch bob allwedd i'r llety i Dderbynfa'r Safle.
Rhybudd
- Dim ond myfyrwyr sy'n tynnu'n ôl o'u hastudiaethau neu'n eu gohirio sy'n cael rhoi 6 wythnos o rybudd.
- Gallwch chi aros yn eich ystafell a byddwch chi'n gyfrifol yn ariannol am y cyfnod chwe wythnos o rybudd.
- Os wyt ti'n symud allan o dy lety ac yn dychwelyd dy allweddi cyn y cyfnod rhybudd o 6 wythnos, byddwn ni'n ceisio rhentu'r ystafell i fyfyriwr arall, unwaith bydd yr ystafell ar gael ac mewn cyflwr da.
- Ni fyddwn yn cynnig eich ystafell i denant arall oni bai nad oes llety arall ar gael. Cedwir pob hawl gan y Brifysgol i ddyrannu myfyrwyr i'r llety yn unol â'r Polisi Dyrannu.
- Sylwer, os na fyddi di'n rhoi gwybod i’r Gwasanaethau Preswyl, gallet ti fod yn gyfrifol am dalu'r ffioedd dyledus yn llawn.